Mere Ishq Se Agy By Fatima Ahmad New Complete Romantic Novel

Madiha Shah Writes: Urdu Novel Stories

Novel Genre: Cousin Based Enjoy Reading...

Mere Ishq Se Agy By Fatima Ahmad New Complete Romantic Novel

Novel Name: Mere Ishq Se Agy

Writer Name: Fatima Ahmad

Category: Complete Novel

یہ کیا تک ہے ۔۔۔ فرید کو فریدے ۔۔۔۔ نور کو نوری ۔۔۔ رشید کو شیدے

انسان کی اچھی خاصی شخصیت ان ناموں کی وجہ سے خراب ہو جاتی ہے ۔۔۔۔ فرید جو کہ اب پڑھ لکھ گیا تھا تو اسے ناموں کا یوں بگاڑنا بالکل بھی پسند نہیں تھا ۔۔۔ اسی وجہ سے کافی خفا تھا وہ ۔۔۔۔۔

نی تے تو کونسا شاہ رخ خان ہے ۔۔۔۔ جو تیری شو خراب ہو جانی ہے ۔۔۔۔ رہے گا تو تو وہی گاؤں میں رہنے والے کمالے کا بیٹا ناں

اماں نے اپنے بیٹے کو اس کی اوقات بتائی تھی

اماں بس ابا سے کہہ دے مجھے فریدے نہ بولا کرے۔۔۔ فرید نام کو لیکر کافی سنجیدہ ہو گیا تھا ۔۔۔۔

تو کیا ہو گیا پیار سے بولتا ہے ناں تجھے۔۔۔۔۔۔ اماں نے وجہ بیان کی

ابا میں نور سے شادی نہیں کر سکتا ۔۔۔۔ فرید کو اپنی وہ پیاری سی مگر ان پڑھ گوار کزن بالکل بھی پسند نہیں تھی ۔۔۔

کیوں ۔۔۔ ابا نے بھی حیرت اور غصے سے آنکھیں پھیلائیں تھی ۔۔۔۔

بس نہیں کر سکتا ۔۔۔۔ اس نے منہ دوسری طرف پھیر لیا تھا

میری زندگی میں تو ایسا ممکن نہیں ۔۔۔۔ فرید کا باپ اپنا فیصلہ سنا چکا تھا

فریدے میں نے کہہ دیا بس ۔۔۔۔ تیری شادی ہو گی تو نوری سے ۔۔۔

باپ نے بھی قسم ہی کھائی تھی فرید کی شادی اپنی بھتیجی سے کروانے کی ۔۔۔

اماں میں نے نور سے شادی نہیں کرنی ۔۔۔ میں کہاں اور وہ کہاں ۔۔۔ وہ اپنی معصوم سی منگیتر جو کہ اس کی چچا ذاد بھی تھی اسے کسی خاطر میں نہیں لاتا تھا

وہ تیری بچپن کی منگ اے ۔۔۔ فرید کی ماں جانتی تھیں کہ یہ شادی تو ہو کر ہی رہے گی ۔۔۔ اسی وجہ سے اپنے بیٹے کو سمجھانے لگیں ۔۔۔۔

تو اماں ۔۔۔ تو نے اور ابا نے کونسا مجھ سے پوچھ کر کیا تھا یہ رشتہ ۔۔۔ وہ گاؤں کی گوار میں پڑھا لکھا بندہ ۔۔۔۔ تجھے خود نہیں ترس آتا اپنے فرید پر ۔۔۔۔ فرید اپنی ماں سے گلہ کرنے لگا ۔۔۔۔

میرے بچے وہ نوری جو ہے ناں بہت سمجھدار ہے ۔۔۔ گھر کا سارا کام کر لیتی ہے

بڑوں کا بھی ادب کرتی ہے ۔۔۔ اور تو اور تجھے بھی پسند کرتی ہے ۔۔۔ اس کی اماں فرید کو نور کی خوبیاں گنوانے لگیں ۔۔۔۔

اور میں میرا کیا ۔۔۔ میں تو جانور ہوں ناں جس سے چاہے مجھے باندھ دے ۔۔۔ فرید جیسے رو دینے کو تھا ۔۔۔

ناں ناں میرے بچے ایسی گل نہیں اے ۔۔۔۔۔۔۔۔ فرید کی ماں بھی فرید کی خوشی چاہتی تھیں مگر ۔۔۔ اپنے شوہر کے ہاتھوں مجبور تھیں ۔۔۔ اسی لئے اپنے بیٹے کو ہی سمجھا رہی تھیں ۔۔۔۔

بس چھوڑ دے اماں تجھے تو اپنے بیٹے سے ہی پیار نہیں ۔۔۔۔۔۔ فرید کافی دلبرداشتہ ہو گیا تھا ۔۔۔۔۔

فرید کو شروع ہی سے پڑھنے کا بہت شوق تھا ہر کلاس میں پہلی پوزیشن لیتا تھا ان کے گاؤں میں صرف آٹھویں تک سکول تھا ۔۔۔ پھر آٹھویں کے بعد تعلیم جاری رکھنے کے لیے فرید کو دوسرے گاؤں جانا پڑتا تھا ۔۔۔ لیکن اس گاؤں میں بھی کالج نہ تھا تو اسی وجہ سے اسے لاہور کے کالج۔۔۔ میں داخلہ لینا پڑا لاہور ان کے گاؤں سے کوئی پانچ گھنٹے کے فاصلے پر واقع تھا ۔۔۔۔ فرید روزانہ گاؤں نہیں جا سکتا تھا اس لیے مہینے میں صرف ایک بار گھر آ جاتا تھا ۔۔۔۔ جہاں اس کے گھر والے اس کی گھر آمد پر خوشی کا اظہار کرتے ۔۔۔ وہاں کوئی اور بھی تھی جو سارا مہینہ اس کی واپسی کی راہ تکتی رہتی

اور وہ تھی نور جسے ہر کوئی نوری کہہ کر بلاتا سواۓ فرید کے ۔۔۔ وہ اول تو اسے بلاتا ہی نہیں تھا لیکن اگر مجبوری میں بات کرنی پڑ جاتی تو اسے نور کہہ کر ہی بلاتا تھا ۔۔۔ اور اسی وجہ سے نور کو اپنا نام بھی اچھا لگنے لگا تھا ۔۔۔ وہ سچ میں دیوانی تھی فرید کی ۔۔۔

اور وہ بھی اسے فرید ہی کہتی تھی کہ وہ جانتی تھی کہ فرید کو نہیں پسند کہ کوئی اس کا نام بگاڑے ۔۔۔۔۔

فرید کو گاؤں کا ماحول بالکل پسند نہیں تھا ۔۔۔۔۔ اور خاص طور پر تب سے جس وقت سے اس نے شہر کا ماحول دیکھا تھا ۔۔۔۔۔

ایسا نہیں تھا کہ وہ نور سے نفرت کرتا تھا ۔۔۔ بلکہ نور صرف اسے اپنی شریکِ حیات کے طور پر قبول نہ تھی ۔۔۔۔ وہ ہمیشہ سے ایک پڑھی لکھی لڑکی سے شادی کرنا چاہتا تھا ۔۔۔ جو کہ نور نہیں تھی

فرید سکالرشپ پر پڑھ رہا تھا ۔۔۔ اس کے باپ کو فرید کا بہت کم خرچہ اٹھانا پڑ رہا تھا کیوں کہ وہ اتنا محنتی تھا کہ فرسٹ ٹائم کالج جاتا اور سیکنڈ ٹائم میٹرک کے بچوں کو

اکیڈمی میں ٹیوشن پڑھاتا

یوں تو فرید کے والد خود کو خوش قسمت والد سمجھتے تھے کہ ان کا بیٹا نا صرف قابل تھا بلکہ فرمانبردار بھی تھا ۔۔۔۔ لیکن فرید کی شادی کے معاملے میں اکثر پریشان ہو جایا کرتے تھے کہ انہوں نے اپنے بھائی کو زبان دی تھی کہ وہ نوری کا رشتہ اپنے بیٹے فرید کے لیے لیں گے ۔۔۔۔ جس پر فرید رضامند نہ تھا ۔۔۔۔

جاری ہے

#میرے_عشق_سے_آگے

#ازقلم_فاطمہ_احمد_قسط2

فریدے کی ماں ۔۔۔۔ فرید کے والد نے فرید کے متعلق شاید کوئی خاص بات کرنی تھی تو کب سے ہی آوازیں لگا رہے تھے ۔۔۔۔۔

جی آ رہی ہوں ۔۔۔۔ وہ اپنا کام ختم کر کے کچن سے فارغ ہوئیں اور اپنے شوہر سے پوچھنے لگیں ۔۔۔ کیا ہو گیا ہے فرید کے ابا ۔۔۔۔

ابھی تک تو کچھ ہوا نہیں لیکن اگر ہم اسی طرح ہاتھ پہ ہاتھ رکھ کر بیٹھے رہے ناں تو ہو جاناں ہے کام ہمارا ۔۔۔ وہ کافی غصے میں لگ رہے تھے

کیا کہہ رہے ہو فرید کے ابا ۔۔۔۔ پہیلیاں نہ بجھواو سیدھے سیدھے بات کرو ۔۔۔ فرید کی ماں سوالیہ نظروں سے اپنے شوہر کو دیکھنے لگیں ۔۔۔۔

میں کہہ رہا تھا کہ فرید کا کالج کا رزلٹ آنے والا ہے ۔۔۔ اس بار اسے ایسے نئیں جانے دینا شہر ۔۔۔۔ جب سے فرید نے نور سے شادی سے انکار کیا تھا۔۔۔ کمال صاحب بہت پریشان رہنے لگے تھے ۔۔۔۔

کیا مطلب ۔۔۔۔ وہ اب بھی نہیں سمجھی تھیں ۔۔۔۔

فریدے کی ماں تجھے شہر کی لڑکیوں کا نئیں پتہ ۔۔۔۔ وہ جیسے آنے والے وقت سے خوفزدہ تھے ۔۔۔۔

وہ ویسے بھی اس رشتے سے خوش نہیں ۔۔۔ اگر خوش نہیں تو نہ کر یہ رشتہ کل کو نوری بھی بد دعائیں دے گی ہمیں ۔۔۔۔۔ فرید کی ماں نے موقع دیکھتے ہی اپنے دل کی بات کہہ دی ۔۔۔۔

نئیں فریدے کی ماں سارے گاؤں کو پتہ ہے یہ فریدے کی منگ اے ۔۔۔۔۔

میری عزت کا سوال ہے ۔۔۔۔ برادری والے سوال کریں گے ۔۔۔۔۔

تو کمائی میری کھا رہی ہے اور زبان اپنے بیٹے کی بول رہی ہے ۔۔۔

وہ اب اپنی بیوی پر سخت برہم تھے ۔۔۔۔ جو کہ بیٹے کی سائیڈ لے رہی تھی

نہیں فرید کے ابا ۔۔۔میں تو بس ۔۔۔ ان کی بات پوری بھی نہیں ہوئی تھی کہ ان کے شوہر نے ان کی بات کاٹ دی ہے ۔۔۔۔۔

بس یہ میرا آخری فیصلہ ہے ۔۔۔۔

اور اگر تجھے نہیں قبول تو میں زہر کھا لیتا ہوں یا کسی کنویں میں چھلانگ لگا لیتا ہوں ۔۔۔

تو بھی سن لے ۔۔۔ فریدے کی شادی نوری سے ہی ہونی ہے بس ۔۔۔۔

وہ پورے گاؤں میں مشہور تھے کہ وہ اپنے قول کے بہت پکے تھے ۔۔۔۔ ایک بار زبان دے دیتے تو پھر کبھی اپنی بات سے نہیں پھرتے تھے ۔۔۔ اور یہ بات پورا گاؤں جانتا تھا۔۔۔۔ اور اب تو ویسے بھی معاملہ بھائی کی بیٹی کا تھا ۔۔۔۔

فرید بہت خوش تھا ۔۔ پورے پنجاب میں اس کی آٹھویں پوزیشن تھی اور اپنے کالج میں پہلی ۔۔۔۔ پورے گاؤں میں مٹھائی بانٹی تھی

فرید بہت خوش تھا ۔۔۔ مگر اسے کیا پتہ تھا کہ اس کی ساری خوشی اب غم میں بدلنے والی ہے ۔۔۔۔۔

جا فرید میرے بچے ۔۔۔۔ نوری سے بھی تھوڑی دیر بات کر لے ۔۔۔ آخر وہ تیری منگ اے ۔۔۔۔ اماں نے فرید کو سمجھانے کی کوشش کی

بھاڑ میں گئی منگ ۔۔۔ فرید نور کی شکل تک دیکھنے کا روادار نہیں تھا ۔۔۔

اس نے مٹھائی کو منہ تک نہیں لگایا ۔۔۔ کہہ رہی تھی فرید خود مٹھائی لے کہ آۓ گا تو کھاؤں گی ۔۔۔۔ فرید کی ماں مٹھائی لے کر گئی ۔۔۔ مگر نور نے چکھی تک نہیں تھی

اماں تجھے پتہ تو ہے ۔۔۔۔ فرید نے اپنی ماں کو بے بسی سے دیکھا

سنا نہیں تیری ماں کیا کہہ رہی ہے ۔۔۔۔ جا اپنے چاچے کے گھر مٹھائی دے کے آ فرید کے والد واقعی غصے میں تھے ۔۔۔

کیوں بھجوائی نہیں مٹھائی چاچے کے گھر ۔۔۔۔ فرید نے انجان بننے کی کوشش کی ۔۔۔

تو اتنا بھولا نہ بن ۔۔۔۔ ہم نے بھجوائی تھی ۔۔۔ نوری کے لیے تو خود لے کے جا ۔۔۔۔

ویسے بھی بیس دن بعد تیرا نکاح ہے ۔۔۔ کمال صاحب نے فرید کے سر پر بم پھوڑا تھا

ابا میں نے ۔۔۔ فرید اپنی بات پوری بھی نہیں کر سکا ۔۔۔۔ کہ کمال صاحب نے ہاتھ کے اشارے سے اسے کچھ بھی کہنے سے منع کر دیا ۔۔۔۔۔

بس میں نے کہہ دیا ۔۔۔ شادی ہے تیری بیس دن بعد ۔۔۔۔ وہ حتمی فیصلہ دیتے ہوئے گھر سے باہر چلے گئے ۔۔۔۔۔

اور ٹھیک بیس دن بعد نوری ۔۔۔۔ فریدے کی دلہن بن کر فریدے کے گھر آ گئی تھی ۔۔۔۔

فرید بیٹا جا نوری انتظار کر رہی ہو گی ۔۔۔۔ فرید کی ماں فرید کے پاس آئی تھیں ۔۔۔

تو کرتی رہے انتظار ۔۔۔۔ مزہ چکھ لے مجھ سے شادی کا ۔۔۔۔۔ ساری زندگی میری ایک نظر کے لیے ترسے گی ۔۔۔۔ دیکھوں گا بھی نہیں اسے ۔۔۔۔۔فرید کا غصہ اب بھی کم نہیں ہوا تھا ۔۔۔۔

میرے بچے ایسا مت کر ۔۔۔۔۔ تجھے میری عزت کا واسطہ ۔۔۔۔۔فرید کی ماں نے اپنی چادر فرید کے قدموں میں ڈال دی ۔۔۔۔۔

اماں تو پاگل ہو گئ ہے کیا ۔۔۔۔۔ فرید نے چادر واپس اپنی ماں کو اوڑھائی ۔۔۔ ٹھیک ہے اماں جیسے تو چاہے گی ویسا ہی ہو گا ۔۔۔۔