Chaya Hai Jo Dil Pe By Madiha Shah Epi 9 Romantic Urdu Novel
Madiha Shah Writer ; Urdu Novels Stories
Novel Genre : Romantic Urdu Novel Enjoy Reading…
 |
| chaya hai jo dil pe by madiha shah epi 9 |
Writer Name : Madiha Shah
Novel ;
چھایا ہے جو دل پہ
قسط نمبر 10
مدیحہ شاہ
۔۔۔۔۔۔۔۔۔۔۔۔۔۔
صبح کے تقریباً نو بج رہے تھے۔ شاہ ولا کے ڈائننگ روم میں سب ناشتے کے لیے جمع تھے۔
شایان حسبِ معمول اپنی باتوں سے ماحول خوشگوار بنانے کی کوشش کر رہا تھا
جبکہ مہر اور ایلاف ایک دوسرے کے ساتھ بیٹھی تھیں۔۔ایلاف کا چہرہ البتہ ابھی بھی اترا ہوا تھا۔
رعاد کی ڈانٹ اسے اب تک یاد تھی۔۔۔۔۔۔۔۔وہ اس سے ناراض تھی۔۔۔۔۔۔۔۔۔اور یہ ناراضی اس کے چہرے سے صاف ظاہر ہو رہی تھی۔
ایلاف ۔۔۔۔پراٹھا پاس کرنا۔۔۔۔۔مہر کی آواز پر ایلاف نے پراٹھے کی پلیٹ اٹھا کر اس کی طرف بڑھا دی۔
کیا بات ہے۔۔۔۔۔۔۔آج ہماری شرارتی شہزادی اتنی خاموش کیوں ہے۔۔۔۔۔۔۔۔شایان اسے دیکھ مسکراتے ہوئے کہہ گیا
تم اپنے ناشتے پر دھیان دو۔۔۔۔ہر وقت دوسروں کے معاملات میں گھسنا ضروری ہے۔۔۔۔۔مہر بولی
اوہ۔۔۔لگتا ہے کسی کی صبح پھر سے خراب ہے۔۔۔۔وہ پھر بولتے ایلاف کو دیکھ گیا
شایان بھائی ۔۔۔۔۔مہر نے اسے گھورا۔
اچھا بھئی۔۔۔۔میں تو بس پوچھ رہا تھا۔۔۔۔وہ کہتے خاموش ہوا
السلام علیکم۔۔۔۔۔ اسی دوران رعاد ڈائننگ روم میں داخل ہوتے سلام کر گیا
سفید شرٹ۔۔۔سیاہ پینٹ اور ہاتھ میں فون لیے وہ ہمیشہ کی طرح سنجیدہ دکھائی دے رہا تھا۔
سب نے جواب دیا۔
رعاد اپنی مخصوص نشست پر بیٹھ گیا۔۔۔۔اس کی نظر ایک لمحے کے لیے ایلاف پر پڑی جو فوراً دوسری طرف دیکھنے لگی۔
ایلاف ۔۔۔۔یونیورسٹی کے لیے کتنے بجے نکلنا ہے۔۔۔وہ اسے دیکھ بولا
مہر بتا دے گی۔۔۔۔۔۔اس کے سوال پر ایلاف مہر کی طرف دیکھ بولی
میں نے تم سے پوچھا ہے۔۔۔۔۔ رعاد دوبارہ اس کی طرف دیکھ سنجیدگی سے بولا
تو میں نے بھی جواب دے دیا ہے۔۔۔۔۔وہ بھی غصے سے اسے دیکھ بولی
شایان اپنی ہنسی دبا گیا۔۔۔۔رعاد اسے ایک نظر دیکھ گیا تو وہ فوراً خاموش ہو گیا۔
دس منٹ میں تیار ہو جانا۔۔۔ڈرائیور تم لوگوں کو چھوڑ دے گا۔۔۔۔۔۔۔۔وہ اس کی بات کو اگنور کر تھوڑا نارمل ہوتے بتا گیا
ہم خود چلے جائیں گے۔۔۔۔۔ایلاف پھر رعاد کو دیکھ بولی
میں نے تم سے مشورہ نہیں مانگا۔۔۔۔اب کہ وہ بھی فورا اسے دیکھ گویا
ایلاف منہ بناتے خاموشی سے ناشتہ کرنے لگی۔
اب بس بھی کر دو۔۔۔۔کتنی ناراض رہو گی۔۔۔۔ مہر نے اس کے کان میں آہستہ سے کہا۔
جب تک یہ اپنی ڈانٹ واپس نہیں لے لیتے۔۔۔۔وہ بولتے پراٹھے کا نوالہ منہُ میں رکھ گئی جبکہ مہر نے نہ میں سر ہلایا کہ اس کا کچھ نہیں ہو سکتا
رعاد سب سن رہا تھا۔۔۔۔۔۔مگر اس نے کوئی جواب نہیں دیا۔۔۔۔۔
۔۔۔۔۔۔۔۔۔۔۔۔۔
ارحم شاہ انٹرپرائزز کے وسیع آفس میں سرمد اپنی میز پر بیٹھا کچھ فائلز دیکھ رہا تھا۔
May I come in, sir۔۔۔۔۔۔۔ دروازے پر دستک دیتے پوچھا گیا
Come in۔۔۔۔۔۔وہ مصروف سا کہہ گیا
سر۔۔۔۔یہ کلائنٹ کی اپڈیٹڈ فائل ہے۔۔۔۔آپ نے کہا تھا کہ آج آپ کو چاہیے ہوگی۔۔۔۔۔ اریبہ ہاتھ میں ایک فائل لیے اندر داخل آتے بولی
ٹھیک ہے۔۔۔۔میں دیکھ لوں گا۔۔۔۔ سرمد فائل لیتے کھول دیکھ بولا
سر۔۔۔۔آپ آج کافی مصروف لگ رہے ہیں۔۔۔۔ اریبہ کچھ لمحے بعد پوچھ گئی
آفس میں کام کرنے کے لیے ہی آتے ہیں۔۔۔اریبہ۔۔۔۔سرمد فائل سے نظریں اٹھاتے اسے دیکھ سنجیدہ سا بولا
جی سر۔۔۔میں تو بس پوچھ رہی تھی۔۔۔۔۔ وہ اس کے لہجے پر ہلکا سا مسکراتے جلدی سے بولی
آپ جا سکتی ہیں۔۔۔۔وہ حکم دے گیا
اریبہ خاموشی سے باہر نکل گئی۔
سرمد دوبارہ فائل میں مصروف ہو گیا۔۔۔۔۔اسے اس بات کا اندازہ بھی نہیں تھا کہ آفس میں کوئی اس کی توجہ حاصل کرنے کی کوشش کر رہا ہے۔
۔۔۔۔۔۔۔۔۔۔۔۔۔
ایلاف اور مہر یونیورسٹی سے واپس آ چکی تھیں۔۔۔دونوں اپنے کمرے میں موجود تھیں۔۔۔۔۔
ایلاف ۔۔۔۔۔ مہر بیڈ پر بیٹھی اسائنمنٹ بناتے اسے پکار گئی
ہمم۔۔،،۔ ایلاف جو آئینے کے سامنے کھڑی اپنے بال سمیٹ رہی تھی بولی
تم ابھی تک رعاد بھائی سے ناراض ہو۔۔۔۔وہ پوچھ گئی
تمہیں کیا لگتا ہے۔۔۔۔۔۔۔ایلاف نے فوراً پلٹ کر اسے دیکھ پوچھا
مجھے لگتا ہے تمہیں اب بات بھلا دینی چاہیے۔۔۔۔مہر اجی سے اپنا مشورہ دے گئی
مہر۔۔۔۔۔۔۔تمہیں معلوم ہے انہوں نے مجھے کس طرح ڈانٹا تھا۔۔۔۔پورے گھر کے سامنے۔۔۔۔ایسے جیسے میں کوئی بہت بڑی مجرم ہوں۔۔۔۔وہ جیسے اسے یاد دلا گئی
اچھا۔۔۔۔مان لیا انہوں نے زیادہ ڈانٹ دیا تھا۔۔۔مگر تم بھی تو کبھی کبھی حد کر دیتی ہو۔۔۔۔مہر اس کی طرف دیکھ جیسے اپنے بھائی کی طرف داری کر گئی
تم ان کی بہن ہو۔۔۔۔۔تمہیں تو ان کی ہر بات ٹھیک ہی لگے گی۔۔۔۔۔۔ایلاف اسے دیکھ منہ بناتے دل میں آئی بات بول گئی
اور تم ان کی کزن ہو۔۔۔۔۔تمہیں ان کی ہر بات غلط ہی لگتی ہے۔۔۔۔۔ مہر ہنستے اسے دیکھ بولی
بہت بولنے لگی ہو تم۔۔۔۔۔ ایلاف تکیہ اٹھا کر اس کی طرف اچھالتے گوئی تو دونوں کی ہنسی کمرے میں گونجنے لگی۔
۔۔۔۔۔۔۔۔۔۔۔۔۔۔۔
کامران شاہ صوفے پر بیٹھے کچھ کاغذات دیکھ رہے تھے۔۔۔زبیدہ بیگم ان کے سامنے بیٹھی تھیں ۔۔۔۔جبکہ فرزانہ بھی وہیں موجود تھیں۔
صاحب۔۔۔۔سلیم صاحب اور نسرین بیگم آئے ہیں۔۔۔ملازم نے آ کر اطلاع دی۔
ٹھیک ہے ۔۔۔۔۔۔۔ کامران نے کاغذات ایک طرف رکھے اٹھے
کچھ ہی دیر بعد سلیم شاہ اور نسرین بیگم ڈرائنگ روم میں داخل ہوئے۔۔۔۔سلام دعا کے بعد سب بیٹھ گئے۔
کیسے ہیں کامران بھائی۔۔۔۔سلیم شاہ نے پوچھا۔
الحمدللہ۔۔۔۔۔آپ سنائیں۔۔۔۔وہ بتاتے ان کا حال پوچھ گئے
اللہ کا شکر ہے۔۔۔۔کافی دن ہوگئے تھے۔۔۔سوچا آپ لوگوں سے ملاقات کر لیں۔۔۔۔وہ بھی بتاتے ساتھ بولے
بہت اچھا کیا۔۔۔۔گھر آتے رہا کریں۔۔۔۔ زبیدہ بیگم نے مسکراتے ہوئے کہا۔
کچھ دیر عام باتیں ہوتی رہیں۔۔۔پھر نسرین بیگم نے باتوں باتوں میں ایلاف کا ذکر چھیڑ دیا۔
ایلاف اور سرمد کیسے ہیں۔۔۔۔۔وہ پوچھ گئی
دونوں ٹھیک ہیں۔۔۔۔۔یونیورسٹی اور آفس میں مصروف رہتے ہیں۔۔۔۔۔کامران نے جواب دیا۔
ماشاءاللہ۔۔۔۔۔ایلاف بھی اب بڑی ہو گئی ہے۔۔۔۔وہ مسکراتے بولی
ہاں۔۔۔۔۔۔مگر میرے لیے تو ابھی بھی وہی چھوٹی سی بچی ہے۔۔۔۔۔ زبیدہ بیگم مسکرائیں۔
دراصل ہم آپ لوگوں سے ایک خاص بات کرنے آئے تھے۔۔۔۔۔نسرین بیگم نے ایک نظر سلیم شاہ کی طرف دیکھ پھر قدرے جھجکتے ہوئے بولیں۔
جی۔۔۔۔فرمائیے۔۔۔۔ کامران نے ان کی طرف متوجہ ہو کر پوچھا۔
ہم چاہتے ہیں کہ ایلاف اور حمزہ کے رشتے کے بارے میں آپ لوگوں سے بات کریں۔۔۔۔۔۔۔۔۔سلیم شاہ نے بات آگے بڑھائی۔
ایک لمحے کے لیے کمرے میں خاموشی چھا گئی۔
حمزہ اور ایلاف ۔۔۔۔۔۔۔ کامران نے حیرت سے انہیں دیکھا۔
جی۔۔۔۔حمزہ بھی ایلاف کو پسند کرتا ہے اور ہم چاہتے ہیں کہ دونوں خاندانوں کا تعلق مزید مضبوط ہو جائے۔۔۔۔وہ بتاتے انہیں دیکھ گئے
ایلاف ہمارے گھر کی بیٹی ہے۔۔۔۔۔۔ہم اسے بہت خوش رکھیں گے۔۔۔۔ نسرین بیگم نے نرمی سے کہا۔
زبیدہ بیگم کے چہرے سے مسکراہٹ غائب ہو چکی تھی۔ فرزانہ بھی خاموشی سے سب سن رہی تھیں۔
سلیم صاحب۔۔۔آپ نے ایلاف کے بارے میں سوچا۔۔۔یہ ہمارے لیے قابلِ قدر ہے لیکن ایلاف کے رشتے کے حوالے سے ہم پہلے ہی ایک فیصلہ کر چکے ہیں۔۔۔۔ کامران کچھ لمحے سوچتے پھر بولے۔
کیا مطلب۔۔۔۔۔ سلیم شاہ نے چونک کر انہیں دیکھا۔
ہم نے رعاد اور ایلاف کا رشتہ طے کیا ہے۔۔۔۔بہت جلد ان کے نکاح کے بارے میں بھی سوچ رہے ہیں۔۔۔ کامران نے زبیدہ بیگم کی طرف دیکھ پھر بات مکمل کی۔
یہ سن کر سلیم شاہ اور نسرین بیگم ایک دوسرے کا چہرہ دیکھنے لگے۔
رعاد اور ایلاف۔۔۔۔۔۔۔۔نسرین بیگم کے منہ سے بے اختیار نکلا۔
جی۔۔۔۔وہ بولے تو کمرے کی فضا یکایک بدل گئی۔
السلام علیکم۔۔۔۔ایلاف جو نیچے آتے سلام کر گئی
وعلیکم السلام۔۔۔۔۔جیتی رہو۔۔۔۔سلیم شاہ نےُ دیکھ کہا
کیسی ہیں آپ نسرین آنٹی۔۔۔۔وہ پوچھ گئی
الحمدللہ بیٹا۔۔۔۔تم سناؤ۔۔وہ کہتے اس سے پوچھ گئی
میں ٹھیک ہوں۔۔۔۔ایلاف مسکرا کر جواب دیتے ایک طرف ہوتے ہی صوفے پر بیٹھ گئی۔
رعاد اور ایلاف کا رشتہ پہلے سے طے ہے۔۔۔لیکن آپ لوگوں نے کبھی بتایا نہیں۔۔۔۔۔۔ نسرین بیگم نے اس کی طرف دیکھ پوچھ گئی
ایلاف کے چہرے سے مسکراہٹ ایک دم غائب ہو گئی اس نے چونک کر پہلے نسرین بیگم کو دیکھا۔۔۔۔پھر اپنے سامنے بیٹھے کامران شاہ کو۔
رعاد بھائی اور میرا رشتہ۔۔۔۔۔۔۔۔اس کے ذہن میں جیسے کئی سوال ایک ساتھ اٹھ کھڑے ہوئے۔۔۔۔۔مگر وہ خاموش بیٹھی رہی۔
ابھی تک ایسی کوئی بات نہیں ہوئی۔۔۔آج ہوئی تو بتا دیا آپ کو ۔۔۔۔۔۔۔۔کامران شاہ قدرے سنجیدگی سے جواب دے گئے
زبیدہ بیگم خاموشی سے سب کی باتیں سن رہی تھیں۔
اچھا۔۔۔۔ پھر تو ہم دیر سے آئے۔۔۔ہمیں معلوم ہوتا تو شاید حمزہ کے رشتے کی بات ہی نہ کرتے۔۔۔۔ نسرین بیگم نے بات کو سمیٹتے ہوئے کہا
ایسی کوئی بات نہیں۔۔۔۔آپ ہمارے اپنے ہیں۔۔۔آپ نے جو بات کی۔۔۔اس کی ہمیں قدر ہے۔۔۔۔ کامران شاہ نے نرمی سے جواب دیا
کچھ دیر مزید عام باتیں ہوتی رہیں۔ پھر سلیم شاہ اور ان کے گھر والے اجازت لے کر رخصت ہو گئے۔
ایلاف نے بھی انہیں سلام کیا۔۔۔مگر اس کے چہرے پر اب وہ پہلے والی مسکراہٹ نہیں تھی۔
یہ سب کیا ہو رہا ہے۔۔۔۔۔۔۔۔ان کے جاتے ہی چند لمحے خاموشی کے بعد پلٹ کر اپنے گھر والوں کی طرف دیکھ پوچھ گئی ۔۔۔۔۔سب کی نظریں اس کی طرف اٹھیں۔
ایلاف ۔۔۔۔۔زبیدہ بیگم نے اسے پکارا۔
نانی جان۔۔۔۔۔۔ابھی جو بات ہوئی ہے۔۔۔۔۔۔/وہ کیا تھی۔۔۔اس کی آواز میں حیرت کے ساتھ بے چینی بھی شامل تھی۔
بیٹا۔۔۔۔آؤ بیٹھو۔۔۔ہم تمہیں سمجھاتے ہیں۔۔۔۔ کامران شاہ نے اسے اپنے پاس بیٹھنے کا اشارہ کیا۔
ماموں ۔۔۔۔۔۔مجھے کچھ سمجھنے کی ضرورت نہیں ہے۔۔۔میں صرف یہ جاننا چاہتی ہوں کہ رعاد بھائی اور میرا رشتہ کیسے ہو سکتا ہے۔۔۔۔آپ لوگ یہ سب کیسے سوچ سکتے ہیں۔۔۔۔وہ دیکھتے سوال کر گئی
فرزانہ بیگم نے اس کی طرف دیکھا۔۔۔مگر خاموش رہیں۔
میری بچی۔۔۔۔ہم نے ابھی بات کی ہے۔۔۔۔ زبیدہ بیگم نے نرمی سے کہا
لیکن نانی جان۔۔۔۔۔۔۔آپ لوگوں نے میرے بارے میں اتنا بڑا فیصلہ سوچ کیسے لیا۔۔۔۔۔۔رعاد بھائی ۔۔۔میں انہیں ہمیشہ سے بھائی کہتی آئی ہوں۔۔۔۔۔میں ان سے نکاح کیسے کر سکتی ہوں۔۔۔۔ ایلاف تھوڑا پریشانی سے گوئی
ایلاف۔۔۔۔رعاد تمہارا کزن ہے۔۔۔اور ہمارے خاندان میں کزن میرج کوئی انوکھی بات نہیں۔۔۔۔۔۔ کامران شاہ نے اسے سمجھانے کی کوشش کی۔
لیکن ماموں ۔۔۔میرے لیے یہ انوکھی بات ہے۔۔۔۔میں نے کبھی اس طرح سوچا ہی نہیں۔۔۔۔وہ رونے کو ہوئی
بیٹا۔۔۔۔۔ابھی کسی نے تم پر فیصلہ مسلط نہیں کیا۔۔۔وہ جیسے پھر سمجھا گئے
تو پھر آپ لوگ یہ بات ذہن میں بھی مت رکھیں۔۔میں رعاد بھائی سے شادی نہیں کر سکتی۔۔۔۔۔ ایلاف نے فوراً جواب دیا
ایلاف ۔۔۔۔میری بات تو سنو۔۔۔۔ زبیدہ بیگم نے اس کا ہاتھ پکڑ لیا۔
نانی جان۔۔۔۔میں آپ کی ہر بات سنتی ہوں۔۔۔لیکن یہ بات مجھ سے نہیں ہو سکے گی۔۔۔۔۔۔آپ مجھے کسی اور کے ساتھ سوچ لیں۔۔۔۔مگر رعاد بھائی کے ساتھ نہیں۔۔۔۔وہ دوٹوک بولتے سب کو حیران کر گئی
تمہیں رعاد سے اتنی نفرت ہے۔۔۔۔وہ پوچھ گئی
بات نفرت کی نہیں ہے۔۔۔نانو۔۔۔۔میں انہیں اس نظر سے دیکھ ہی نہیں سکتی۔۔۔۔وہ میرے رعاد بھائی ہیں۔۔۔ایلاف بے بسی سے ان کی طرف دیکھ گوئی
میری بچی۔۔۔۔۔۔۔۔میں بس چاہتی ہوں کہ تم میرے پاس رہو۔۔۔۔ زبیدہ بیگم اس کا ہاتھ تھامے بولی
نانی جان۔۔۔۔۔۔۔۔۔۔۔میں آپ کو چھوڑ کر کہیں نہیں جانا چاہتی۔۔۔۔۔لیکن اس کا مطلب یہ تو نہیں کہ آپ میرا نکاح ایسے کر دیں۔۔۔۔۔ ایلاف کی آنکھوں میں نمی اتر آئی۔
زبیدہ بیگم نے اس کے چہرے کو دیکھا، مگر اس وقت ان کے پاس کہنے کے لیے کوئی جواب نہیں تھا۔
مجھے ابھی کچھ نہیں سننا۔۔۔۔پلیز۔۔۔اس بارے میں مجھ سے دوبارہ بات مت کیجیے گا۔۔۔۔۔۔۔ایلاف اپنا ہاتھ آہستہ سے چھڑاتے ہوئے کھڑی ہو گئی۔۔۔۔۔۔وہ یہ کہہ کر اپنے کمرے کی طرف چلی گئی۔۔۔۔۔۔اس کے جانے کے بعد کمرے میں خاموشی چھا گئی۔
بات تو اب رعاد سے بھی کرنی پڑے گی۔۔۔۔۔ کامران شاہ گہری سانس لیتے بولے
میں اپنی ایلاف کو خود سے دور نہیں کرنا چاہتی کامران۔۔ زبیدہ بیگم نے دھیرے سے کہا
کامران۔۔۔۔۔۔آپ نے یہ فیصلہ کر بھی لیا اور مجھے بتایا تک نہیں۔۔۔۔۔ ایلاف کے جانے کے بعد فرزانہ نے خاموشی توڑی۔
فرزانہ۔۔۔۔۔۔۔۔۔بات ابھی گھر کے بڑوں کے درمیان ہوئی ہے۔۔۔۔ کامران نے ان کی طرف دیکھا۔
گھر کے بڑوں کے درمیان۔۔۔۔کیا میں اس گھر کا حصہ نہیں ہوں۔۔۔۔۔رعاد میرا بیٹا ہے۔۔۔۔۔اس کی زندگی کے اتنے بڑے فیصلے میں مجھ سے کوئی مشورہ نہیں کیا گیا۔۔۔۔ان کے لہجے میں دکھ واضح تھا۔
فرزانہ۔۔۔۔میں نے یہ بات کامران سے کی تھی۔۔۔۔میری خواہش ہے کہ ایلاف اسی گھر میں رہے۔۔۔۔۔ زبیدہ بیگم نے کہا۔
امی ۔۔۔۔خواہش اپنی جگہ۔۔۔۔۔لیکن رعاد کی بھی تو مرضی ہونی چاہیے۔۔۔۔۔۔۔فرزانہ نے قدرے حیرت سے انہیں دیکھا۔
اسی لیے تو کامران اس سے بات کرے گا۔۔۔۔وہ بولی
اور ایلاف ۔۔۔وہ تو ابھی صاف انکار کر کے گئی ہے۔۔۔وہ جیسے پوچھ گئی
فرزانہ کی بات پر زبیدہ بیگم خاموش ہو گئیں۔
میں رعاد سے بات کروں گا۔۔۔۔۔ابھی کسی چیز کو آخری فیصلہ مت سمجھیں۔۔۔۔۔ کامران نے نرمی سے کہا۔
۔۔۔۔۔۔۔۔۔۔۔۔۔۔۔۔۔۔۔
ایلاف اپنے کمرے میں بیٹھی کھڑکی کے باہر دیکھ رہی تھی۔ مہر اس کے پاس خاموش بیٹھی تھی۔
زبیدہ بیگم اندر داخل ہوئیں۔
نانی جان۔۔۔ ایلاف نے انہیں دیکھ فوراً ان کے پاس آ تے بولی
میری بچی۔۔۔۔تم مجھ سے ناراض ہو۔۔۔۔۔ زبیدہ بیگم نے اسے اپنے ساتھ بٹھا لیا۔
نہیں نانی جان۔۔۔۔وہ بولی
تو پھر میری بات سننے سے انکار کیوں کر رہی ہو۔۔۔۔وہ پوچھ گئی
نانی جان۔۔۔۔میں آپ کی ہر بات مانتی ہوں۔۔۔لیکن یہ بات نہیں مان سکتی۔۔۔۔ ایلاف نے ان کے ہاتھ اپنے ہاتھوں میں لیتے کہا
تم جانتی ہو نا۔۔۔۔تمہارے ماں باپ کے جانے کے بعد تم دونوں بہن بھائی ہی میری زندگی کا سہارا ہو۔۔۔میں نے تمہیں اپنی آنکھوں کے سامنے بڑا ہوتے دیکھا ہے۔۔۔۔۔تمہاری ہر خوشی۔۔۔۔ہر پریشانی میرے دل سے جڑی ہے۔۔۔۔ زبیدہ بیگم کی آنکھیں نم ہو گئیں۔
ایلاف خاموشی سے انہیں دیکھتی رہی۔
میں نہیں چاہتی کہ تم مجھ سے دور ہو جاؤ۔۔۔۔سرمد اپنی زندگی میں مصروف ہو جائے گا۔۔۔۔۔پھر تم بھی ایک دن اپنے گھر چلی جاؤ گی۔۔۔۔میں اس عمر میں تمہیں اپنے پاس دیکھنا چاہتی ہوں۔۔۔۔
نانی جان۔۔۔۔میں آپ سے کہاں دور جا رہی ہوں۔۔۔میں آپ کے پاس ہی تو ہوں۔۔۔۔ ایلاف نے فوراً ان کا ہاتھ چوم لیا۔
لیکن بیٹا۔۔۔۔ایک دن تمہیں جانا تو ہے۔۔۔۔وہ بولی
تو کیا اس کا مطلب یہ ہے کہ آپ مجھے رعاد بھائی کے نام کر دیں۔۔۔وہ پھر روہانسی ہوئی
میں نے تمہارے لیے برا نہیں سوچا۔۔۔۔میری بچی۔۔۔رعاد اس گھر کا بیٹا ہے۔۔۔۔۔میں جانتی ہوں وہ تمہیں کبھی تکلیف نہیں پہنچائے گا۔۔۔۔ زبیدہ بیگم نے اس کے چہرے کو اپنے ہاتھوں میں لیتے جیسے سمجھایا
آپ کو وہ اچھے لگتے ہیں۔۔۔۔مجھے معلوم ہے۔۔۔۔لیکن نانی جان۔۔۔۔میں انہیں اس نظر سے نہیں دیکھ سکتی۔۔۔۔وہ میرے لیے ہمیشہ رعاد بھائی ہی رہے ہیں۔۔۔۔ ایلاف نے آہستہ سے سر ہلایا۔
وقت کے ساتھ بہت سی باتیں بدل جاتی ہیں۔۔۔۔وہ اسے دیکھ بولی
لیکن میں نہیں چاہتی کہ یہ بات بدلے۔۔۔۔۔وہ دوٹوک بولی
میں آپ سے دور نہیں ہونا چاہتی۔۔مگر اس کا یہ مطلب نہیں کہ میں اپنی مرضی کے خلاف یہ رشتہ قبول کر لوں۔۔۔ اس کی آواز میں التجا تھی۔
تم میری ضدی بچی ہو۔۔۔۔ زبیدہ بیگم نے اسے سینے سے لگا لیا۔
ایلاف ان کے گلے لگ کر خاموش ہو گئی۔۔۔مہر بھی یہ منظر دیکھ کر اداس ہو گئی۔
زبیدہ بیگم نے ایلاف کے سر پر ہاتھ پھیرا۔۔۔۔مگر ان کے دل میں اپنی خواہش چھوڑنے کا حوصلہ نہیں تھا۔
۔۔۔۔۔۔۔۔۔۔۔۔۔۔
آپ نے بلایا تھا بابا۔۔۔۔۔۔۔دروازہ کھول کر رعاد اندر داخل ہوتے ہاتھ میں موبائل تھامے چہرے پر حسبِ معمول سنجیدگی لیے بولا
ہاں۔۔۔۔۔آؤ بیٹھو۔۔۔۔۔ کامران شاہ جو بیٹھے کچھ فائلز دیکھ رہے تھے رعاد کو دیکھ بولے
کوئی ضروری بات تھی۔۔۔۔ رعاد ان کے سامنے صوفے پر بیٹھتے پوچھ گیا
آج سلیم شاہ آئے تھے۔۔۔۔اپنے گھر والوں کے ساتھ۔۔۔۔کامران شاہ فائل بند کرتے ایک طرف رکھ چند لمحے اسے دیکھتے بتا گئے
جی۔۔۔۔۔معلوم ہے۔۔۔۔۔ رعاد نظریں اٹھا کر انہیں دیکھ گویا
وہ ایلاف کے لیے حمزہ کا رشتہ لے کر آئے تھے۔۔۔۔ وہ سن مزید بتا گئے
حمزہ۔۔۔۔۔ وہ قدرے سنجیدگی سے بولتے چہرے کے تاثرات کو نارملُ کر گیا
ہاں۔۔۔۔حمزہ۔۔۔۔ان لوگوں کی خواہش ہے کہ ایلاف ان کے گھر کی بہو بنے ۔۔۔۔وہ بتا گئے
رعاد نے کوئی جواب نہیں دیا۔ اس کے چہرے پر ناگواری ضرور نمایاں تھی، مگر وہ خاموش رہا۔
میں نے انہیں بتا دیا ہے کہ ہم ایلاف کے لیے تمہارا سوچ رہے ہیں۔۔۔۔امی کی بھی یہی خواہش ہے کہ ایلاف کا نکاح تم سے ہو جائے۔۔۔۔۔ کامران اس کی خاموشی محسوس کرتے اسے دیکھ بولے
بابا۔۔۔ رعاد نے فوراً سر اٹھاتے حیرت سے دیکھا
مجھے نہیں لگتا کہ یہ سب ہو پائے گا مجھ سے۔۔۔ایلاف ۔۔۔وہ کچھ لمحے خاموش رہتے جیسے الفاظ ترتیب د دیتے بولا
کیوں رعاد ۔۔۔۔۔۔ کامران نے اس کے چہرے کو غور سے دیکھا۔
بابا۔۔۔آپ جانتے ہیں ایلاف کیسی ہے اور میں کیسا ہوں ہم دونوں کے مزاج میں زمین آسمان کا فرق ہے۔۔۔۔ہر وقت کی بحث ہر بات پر اختلاف۔۔۔ مجھے نہیں لگتا کہ یہ رشتہ ہمارے لیے درست رہے گا۔۔۔۔۔وہ جیسے سارے واقعات بتاتے سمجھانے کی کوششش کر گیا
ہر رشتے میں مزاج کا فرق ہوتا ہے بیٹا۔۔۔ضروری نہیں کہ دو لوگ ایک جیسے ہوں تبھی زندگی گزار سکیں۔۔۔کبھی کبھی وقت اور ذمہ داریاں انسان کو بہت کچھ سکھا دیتی ہیں۔۔۔وہ اسے دیکھ سمجھا گئے
نہیں۔۔۔ میں نے سوچا ہے اس بارے میں، بابا۔۔۔۔۔ لیکن میں ایلاف سے شادی نہیں کر سکتا۔۔۔۔ رعاد نے ہلکا سا سر جھٹکا۔
اس کے لہجے میں کوئی غصہ نہیں تھا۔۔۔۔۔۔مگر فیصلہ واضح تھا۔
تو پھر تم چاہتے ہو کہ ہم حمزہ کے لیے ہاں کر دیں۔۔۔ کامران چند لمحے اسے دیکھتے پھر قدرے سنجیدگی سے بولے۔
میں نے یہ کب کہا۔۔۔۔۔ رعاد نے حیرانگی سے اپنے باپ کو دیکھا۔
تو پھر تمہارا مطلب کیا ہے۔۔۔۔وہ پوچھ گئے
حمزہ مجھے ٹھیک نہیں لگتا۔۔۔ ایلاف کے لیے۔۔۔۔اس نے قدرے سخت لہجے میں کہا۔
ہمم۔۔۔امی کی خواہش ہے کہ ایلاف اسی گھر میں رہے۔۔ان کے قریب۔۔وہ نہیں چاہتیں کہ ایلاف کسی اور گھر چلی جائے اگر تم نہیں مان رہے تو پھر ایک ہی حل ہے۔۔۔۔۔۔کامران اس کی بات سن کرسی کی پشت سے ٹیک لگاتے چند لمحوں کی خاموشی کے بعد بولتے اسے دیکھ گئے
کیا۔۔۔۔۔۔ رعاد نے الجھن سے انہیں دیکھ پوچھا
میں بھی ایلاف کو لے کر پریشان ہوں۔۔۔تو پھر تم سے نہیں تو شایان سے نکاح کروا دیتے ہیں۔۔۔۔۔۔کامران نے بالکل سنجیدگی سے یہ بات کہی۔
شایان ۔۔۔بابا، یہ کیا کہہ رہے ہیں آپ۔۔۔۔ رعاد چند لمحے انہیں دیکھتا رہ گیا۔۔۔۔جیسے اسے یقین نہ آیا ہو کہ اس کے باپ نے واقعی یہ کہا ہے۔
وہی جو تم نے سنا ہے۔۔۔۔۔وہ پھر گوئے
بابا،۔۔۔۔۔آپ شایان کو جانتے ہیں۔۔۔۔اس کی اپنی حرکتیں ختم نہیں ہوتیں۔۔۔۔۔وہ ایلاف کو سنبھالے گا۔۔۔رعاد نے بے یقینی سے کہا۔
اور تم کون سا ایلاف کو سنبھالنے کے لیے تیار ہو۔۔۔ کامران کے لبوں پر ہلکی سی مسکراہٹ آ گئی۔
بابا۔۔۔میں سنجیدگی سے بات کر رہا ہوں۔۔۔شایان اور ایلاف دونوں ایک جیسے ہیں۔۔۔۔۔دونوں کی اپنی مرضی، اپنی ضد اور اپنی الگ دنیا ہے۔۔۔۔ان دونوں کا نکاح کر کے آپ گھر میں سکون نہیں۔۔۔۔طوفان لے آئیں گے۔۔۔ رعاد کچھ دیر کی خاموشی کے بعد پھر بولتے جیسے سمجھانے کی کوششش کر گیا
تو پھر تمہیں کیا مسئلہ ہے۔۔۔۔۔۔زین بھی تو اسی گھر کا بچہ ہے۔۔۔ایلاف کو بھی جانتا ہے۔۔۔۔ وہ بولے
جانتا ہے۔۔۔۔لیکن اس کا مطلب یہ نہیں کہ۔۔۔۔۔وہ کہتے کہتے رک گیا۔
کہ وہ ایلاف کے لیے مناسب نہیں۔۔۔ کامران نے اس کی طرف دیکھتے ہوئے بات مکمل کی۔
جی۔۔۔۔۔ رعاد نے خاموشی سے سر ہلایا۔
تو پھر سوچ لو۔۔۔۔رعاد ۔۔۔۔کیا کرنا ہے۔۔۔۔یہ تمہیں طے کرنا ہے۔۔۔امی اس بات کو لے کر بہت پریشان ہیں۔۔۔وہ ایلاف کو اپنے سے دور نہیں دیکھنا چاہتیں۔۔۔۔کامران کا لہجہ اب پہلے سے زیادہ سنجیدہ تھا۔
سوچ کر بتاؤ۔۔۔اگر تمہاری ہاں ہے تو ٹھیک۔۔۔ورنہ۔۔۔رعاد کو خاموش دیکھ وہ پھر کہہ گئے
ورنہ ہمیں کوئی دوسرا راستہ اختیار کرنا پڑے گا۔۔۔کامران بات ادھوری چھوڑ رکتے پھر ایک نظر رعاد کو دیکھتے بولے۔
آپ واقعی شایان کے بارے میں سوچ رہے ہیں۔۔۔ رعاد کی نگاہیں اپنے باپ کے چہرے پر ٹھہر گئیں۔
میں فی الحال تمہیں سوچنے کا موقع دے رہا ہوں۔۔۔۔۔فیصلہ تمہارے ہاتھ میں ہے۔۔۔۔۔۔۔۔وہ اسے دیکھ واضح طور پر گوئے
رعاد نے کوئی جواب نہیں دیا۔۔۔۔اس کے ذہن میں بس ایک ہی بات گردش کر رہی تھی۔
ایلاف ۔۔۔ اور نکاح۔۔۔۔۔
وہ اس رشتے کے لیے تیار نہیں تھا مگر حمزہ یا شایان ۔۔۔ ان دونوں میں سے کسی کے ساتھ ایلاف کا تصور بھی اسے مطمئن نہیں کر رہا تھا۔
میں سوچ کر بتاؤں گا۔۔۔بابا۔۔۔۔وہ گہری سانس لیتے صوفے سے کھڑا ہوتے بولا
ٹھیک ہے۔۔۔۔جلد بازی میں کوئی فیصلہ مت کرنا۔۔۔، مگر زیادہ دیر بھی مت لگانا۔۔۔۔وہ کہہ گئے
رعاد نے اثبات میں سر ہلایا اور کمرے سے باہر نکل گیا۔
کامران اسے جاتے ہوئے دیکھتے رہے۔۔۔۔۔۔وہ جانتے تھے کہ رعاد کے لیے یہ فیصلہ آسان نہیں ہوگا۔۔۔مگر اب اسے خود سوچنا تھا کہ وہ کس راستے کا انتخاب کرتا ہے۔
۔۔۔۔۔۔۔۔۔۔۔۔۔۔۔۔
تمہیں لگتا ہے دادی جان واقعی یہ رشتہ کر دیں گی۔۔۔ مہر اس کے ساتھ بیٹھی پوچھ گئی
مجھے نہیں معلوم۔۔۔لیکن میں یہ نکاح نہیں کروں گی۔۔۔ایلاف بیڈ پر لیٹی چھت کو دیکھتے فوراً کروٹ بدل بولیُ
مگر اگر گھر والے ضد پر آ گئے تو۔۔۔،مہر بولی
مہر۔۔۔۔۔میں ان کے ساتھ اپنی پوری زندگی گزارنے کا سوچ بھی نہیں سکتی۔۔۔۔وہ ہر وقت مجھ پر حکم چلاتے ہیں۔۔۔میں ان کے سامنے بول بھی نہیں سکتی۔۔۔۔ ایلاف کچھ لمحے خاموشی کے بعد جیسے اپنےُ دل کی بات بتا گئی
لیکن تم دونوں کا رشتہ گھر والوں کے لیے۔۔۔۔تم بھی شروع ہو گئیں۔۔۔۔۔اس سے پہلے مہر بات مکمل کرتی ایلاف ٹوک گئی تو مہر خاموش ہو گئی۔
مجھے بس یہ بات سمجھ نہیں آ رہی کہ نانی جان نے ایسا سوچا بھی کیسے۔۔۔۔۔ ایلاف تکیے میں منہ چھپاتے گوئی
ابھی کچھ طے نہیں ہوا۔۔۔۔ایلاف ۔۔۔۔ مہر نے اس کے کندھے پر ہاتھ رکھا۔
میرے لیے تو یہ بات بھی بہت بڑی ہے۔۔۔۔، ایلاف نے آہستہ سے جواب دیا۔
۔۔۔۔۔۔۔۔۔۔۔۔۔۔
شاہ ولا کے ایک کمرے میں زبیدہ بیگم اپنی خواہش کو حقیقت بنتا دیکھنے کے خواب سجائے بیٹھی تھیں۔
دوسری طرف فرزانہ کے دل میں یہ سوال تھا کہ ان کے بیٹے کی زندگی کا فیصلہ ان سے پوچھے بغیر کیسے کیا جا سکتا ہے۔
کامران دونوں طرف کے رشتوں کو سنبھالنے کی کوشش میں تھے۔
رعاد کے لیے یہ خبر اچانک تھی۔ وہ حمزہ کے نام سے ناخوش تھا، مگر ایلاف کے ساتھ اپنے نکاح کا خیال بھی اس کے لیے آسان نہیں تھا۔
اور ایلاف ۔۔۔؟
وہ تو ابھی اس ایک بات کو قبول کرنے کے لیے بھی تیار نہیں تھی کہ جس شخص کو وہ ہمیشہ اپنا کزن، اپنا سخت مزاج رعاد بھائی سمجھتی آئی ہے، ایک دن اسی کے نام سے اس کی پہچان جوڑنے کی بات کی جا رہی ہے۔
اسے کیا معلوم تھا کہ اس کے انکار کے باوجود آنے والا وقت اس کے لیے ایسے فیصلے لے کر آنے والا ہے جن سے وہ خود بھی بے خبر تھی۔
۔۔۔۔۔۔۔۔۔۔۔۔۔۔۔۔۔۔
جاری ہے
مزید ناولز کے لئے نیچے جائیں ، یہاں مکمل اور قسط وار سبھی ناولز کے لنکس دئیے گئے ہیں۔
If you want to read More the Beautiful Complete novels, go to this link quickly, and enjoy the Novels ۔۔۔۔۔۔
If you want to read All Madiha Shah Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read Youtube & Web Speccial Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read All Madiha Shah And Others Writers Continue Novels , go to this link quickly, and enjoy the All Writers Continue Novels ۔۔۔۔۔۔۔۔۔۔۔۔۔۔
If you want to read Famous Urdu Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
This is Official Web by Madiha Shah Writes۔She started her writing journey in 2020. Madiha Shah is one of those few writers. who keep their readers bound with them, due to their unique writing ✍️ style. She started her writing journey in 2020. She has written many stories and choose a variety of topics to write about
Chaya Hai Jo Dil Pe Novel
Madiha Shah presents a new urdu social romantic novel Chaya Hai Jo Dil Pe Dil written by Madiha Shah . Chaya Hai Jo Dil Pe by Madiha Shah is a special novel, many social evils have been represented in this novel. She has written many stories and choose a variety of topics to write about Hope you like this Story and to Know More about the story of the novel, you must read it.
Not only that, Madiha Shah, provides a platform for new writers to write online and showcase their writing skills and abilities. If you can all write, then send me any novel you have written. I have published it here on my web. If you like the story of this Urdu romantic novel, we are waiting for your kind reply
Thanks for your kind support...
Romantic Urdu Novels
Madiha Shah has written many novels, which her readers always liked. She tries to instill new and positive thoughts in young minds through her novels. She writes best.
Copyrlight Disclaimer:
This Madiha Shah Writes Official only share links to PDF Novels and do not host or upload any file to any server whatsoever including torrent files as we gather links from the internet searched through world’s famous search engines like Google, Bing etc. If any publisher or writer finds his / her Novels here should ask the uploader to remove the Novels consequently links here would automatically be deleted
.jpg)
No comments:
Post a Comment