Chaya Hai Jo Dil Pe By Madiha Shah Epi 6 Romantic Urdu Novel
Madiha Shah Writer ; Urdu Novels Stories
Novel Genre : Romantic Urdu Novel Enjoy Reading…
.jpg)
chaya hai jo dil pe by madiha shah epi 6
Writer Name : Madiha Shah
Novel ; Cousins Forced Marriage Basced
چھایا ہے جو دل پہ
قسط نمبر 6
مدیحہ شاہ
۔۔۔۔۔۔۔۔۔۔۔۔۔۔۔۔۔۔۔
ایک ماہ بعد
دادی جان کو دنیا سے رخصت ہوئے ایک ماہ سے بھی زیادہ وقت گزر چکا تھا۔
ان کے انتقال کے بعد ایلاف اور سرمد چند دن تایا سلیم شاہ کے گھر رہے تھے۔ گھر کے ہر کونے میں دادی جان کی یادیں بکھری ہوئی تھیں۔
کبھی نسریں بیگم انہیں روکنے کی کوشش کرتیں۔۔۔۔کبھی تایا سلیم کہتے کہ ابھی کچھ دن اور رک جائیں۔۔۔۔مگر ایلاف کے لیے وہاں زیادہ دیر ٹھہرنا آسان نہیں تھا۔تو وہ دونوں چند دن بعد شاہ ولا واپس آ گئے۔
اس دوران کئی رسمیں اور ضروری معاملات بھی نمٹ گئے۔ گھر والوں نے اپنی اپنی مصروفیات دوبارہ سنبھال لیں
مگر دادی جان کی کمی کبھی کبھی اچانک کسی خاموش لمحے میں محسوس ہو جاتی۔
ایلاف بھی اب پہلے کی طرح ہنسنے بولنے لگی تھی۔۔۔۔۔لیکن کبھی کسی بزرگ خاتون کو دیکھ کر اس کے قدم خودبخود رک جاتے اسے دادی جان کا آخری وقت یاد آ جاتا
زندگی۔۔۔۔۔بہرحال۔۔۔۔کسی کے انتظار میں نہیں رکتی۔
شاہ ولا میں بھی اب وہی پرانی رونق لوٹ آئی تھی۔صبح کے آٹھ بجے شاہ ولا کے ڈائننگ روم میں حسبِ معمول شور مچا ہوا تھا۔
مہر۔۔۔تم نے میری بلیک کلر والی کلپ دیکھی ہے۔۔۔ایلاف ایک ہاتھ میں ٹوسٹ پکڑے اور دوسرے ہاتھ سے اپنے بال سنبھالتی ہوئی مہر کے پیچھے پڑی تھی۔
مجھے کیا پتا تمہاری کلپ کہاں ہے۔۔۔۔۔۔۔مہر چائے کا کپ اٹھاتے ہوئے جواب دے گئی
تم میرے کمرے میں کل آئی تھیں۔۔۔۔۔۔وہ اسے گھور بولی
تو۔۔۔۔۔ وہ اس کی گھوری کو کھاتے میں نہ لاتے بولی
تو تم نے ہی اٹھائی ہوگی۔۔۔۔ وہ چیخنے والے انداز میں گوئی
ایلاف ۔۔۔۔۔۔۔۔ہر گمشدہ چیز کا الزام مجھ پر مت لگایا کرو۔۔۔۔۔ مہر تھوڑا غصے سے گوئی
اچھا۔۔۔۔۔تو پھر بتاؤ تمہارے کمرے میں میری دو پنسلیں ایک لپ بام اور ایک کلپ کیا کر رہی ہیں۔۔۔۔ وہ اپنی کمر پر ہاتھ رکھے بولتے پوچھ گئی
تم اپنی چیزیں میرے کمرے میں چھوڑ کر جاتی ہو۔۔۔۔ مہر نے اسے گھورا۔
اور تم انہیں واپس کرنے کی بجائے اپنی ملکیت سمجھ لیتی ہو ۔۔۔۔وہ بولتے اسے دیکھ گئی
تم دونوں کی لڑائی میں ایک اہم سوال ہے۔۔۔۔۔سامنے بیٹھے شایان نے موبائل سے نظریں اٹھائیں بولا
کیا۔۔۔۔ایلاف نے فوراً اس کی طرف دیکھ پوچھا۔۔۔جیسے وہ بہت ضروری بات بولے گا
یہ کہ صبح صبح انسان کو اتنا بولنے کی طاقت کہاں سے ملتی ہے۔۔۔۔۔۔وہ پوچھتے ساتھ منہ بنا گیا
تمہیں تو بالکل نہیں ملتی۔۔۔۔اسی لیے تم سارا دن فضول بیٹھے رہتے ہو۔۔۔۔۔ایلاف اس کی بات سن غصے سے گوئی
میں نے تو بس ایک سوال کیا تھا۔۔۔۔۔۔ شایان نے ٹوسٹ اٹھایا۔
اور میں نے جواب دے دیا۔۔۔۔۔ وہ اس کی بات سن آنکھوں کو چھوٹا کرتے بولی
کیا ہوا۔۔۔۔۔۔ سرمد ڈائننگ روم میں داخل ہوتے ساتھ ہی ایلاف کو دیکھ پوچھا۔۔۔۔جو اب مہر کی کرسی کے پیچھے کھڑی کچھ ڈھونڈ رہی تھی۔
بھائی۔۔۔۔۔۔مہر میری کلپ چھپا رہی ہے۔۔۔۔۔ ایلاف بولتے سرمد کو دیکھ گئی
سرمد بھائی۔۔۔۔میں نے کچھ نہیں کیا۔۔۔۔۔ مہر نے فوراً احتجاج کیا۔
تم دونوں کے مسئلے کبھی ختم نہیں ہوں گے۔۔۔۔ سرمد نے کرسی کھینچ کر بیٹھتے ہوئے کہا۔
آپ بس بتا دیں کہ میری کلپ کہاں ہے۔۔۔۔۔ وہ اب کے سرمد سے کہتے اسے حیران کر گئی
مجھے کیسے پتا ہوگا۔۔۔۔۔۔ وہ حیرانگی سے بولا
اس گھر میں کوئی میری مدد نہیں کرتا۔۔۔۔۔ ایلاف نے منہ بنایا۔
یہ بات درست ہے۔۔۔۔کیونکہ تمہاری مدد کرنے کے لیے پہلے تمہیں برداشت کرنا پڑتا ہے۔۔۔۔ شایان فوراً کہتے ایلاف کو چھیڑ گیا
شایان ۔۔۔۔۔۔ایلاف نے ٹوسٹ کا آخری ٹکڑا اس کی طرف اچھال گئی
نشانہ اچھا ہے۔۔۔۔۔مگر تربیت ابھی باقی ہے۔۔۔۔ شایان بڑی مہارت سے پکڑتے بولا
ایلاف ۔۔۔۔۔بیٹھ کر ناشتہ کرو۔۔۔۔۔یونیورسٹی کے لیے دیر ہو رہی ہے۔۔۔۔۔ سرمد مسکراتے ایلاف جو کہہ گیا
جی بھائی۔۔۔۔۔۔۔۔۔۔وہ مہر کے ساتھ والی کرسی پر بیٹھ گئی۔
صبح بخیر۔۔۔۔۔۔ رعاد ڈائننگ روم میں داخل ہوتے ہمیشہ کی طرح اس کے چہرے پر سنجیدگی سجائے سفید شرٹ کی آستینیں کلائیوں تک بند کیے اور ہاتھ میں گاڑی کی چابیاں تھامے کہتے سب کو اپنی طرف متوجہ کر گیا
صبح بخیر۔۔۔۔۔بیٹا۔۔۔۔۔ کامران شاہ بھی آتے بیٹھتے ساتھ اسے دیکھ کر جواب دے گئے
رعاد نے اپنی مخصوص کرسی سنبھال ملازم کو چائے کا اشارہ کر گیا
دیکھو۔۔۔۔آج پھر موسم بدل گیا۔۔۔۔۔ ایلاف مہر کے کان میں آہستہ سے بولی
چپ کرو۔۔۔۔سن لیں گے۔۔۔۔۔ مہر نے اسے آنکھیں دکھائیں۔
میں نے کون سا ان کا نام لیا ہے۔۔۔۔ وہ پھر بولی
ایلاف ۔۔۔۔آواز نیچی رکھو۔۔۔۔۔ رعاد نے اخبار سے نظریں اٹھائے بغیر کہا۔
ایلاف نے فوراً سیدھا ہو کر بیٹھتے ہوئے ٹوسٹ اٹھا لیا۔شایان نے ہونٹوں ہی ہونٹوں میں ہنسی دبائی۔
شایان ۔۔۔۔تمہیں بھی کوئی بات کرنی ہے۔۔۔۔۔ رعاد ایک نظر اسے دیکھ پوچھ گیا
نہیں ۔۔۔۔۔۔بھائی۔۔۔۔۔۔۔میں تو ناشتے کی تعریف کر رہا تھا۔۔۔۔ وہ کہتے مسکرایا
تو پھر ناشتے پر توجہ دو۔۔۔۔۔وہ سنجیدہ سا گویا
شایان فوراً سر جھکا گیا ۔۔۔۔۔ایلاف نے مہر کی طرف دیکھ بمشکل اپنی ہنسی دبائی
ناشتے کے بعد یونیورسٹی جانے کی تیاری شروع ہو گئی۔
چلو۔۔۔آج تم دونوں کو یونیورسٹی چھوڑ دیتا ہوں۔۔۔۔ ایلاف اور مہر گیٹ کی طرف بڑھی ہی تھی کہ شایان گاڑی کی چابیاں گھماتا ہوا ان کے سامنے آ تے بولا
کیوں۔۔۔۔۔۔۔۔ایلاف نے اسے مشکوک نظروں سے دیکھ پوچھا
کیا مطلب کیوں۔۔۔۔ وہ منہ بگاڑتے بولا
کل تو کہہ رہے تھے۔۔۔۔۔ کہ تمہاری گاڑی میں کسی کو جگہ نہیں ملتی۔۔۔۔ ایلاف پھر شکی انداز میں بولی
آج دل بڑا ہے۔۔۔۔۔ وہ دل پر ہاتھ رکھ بولا
نہیں ایلاف ۔۔۔۔آج اس کا کوئی کام ہوگا۔۔۔۔ مہر ہنستے بولی
تم دونوں کو مجھ پر ذرا سا بھی اعتبار نہیں۔۔۔۔۔شایان نے دونوں کو دیکھا۔
نہیں۔۔۔۔۔۔ ایلاف فوراً جواب دیتے مسکرائی
چلو پھر۔۔۔۔پیدل جاؤ۔۔۔۔وہ کہتے آگے بڑھا
شایان بھائی۔۔۔۔۔مہر نے ہنستے ہوئے اسے روکا۔
اچھا۔۔۔۔ٹھیک ہے۔۔۔۔بیٹھو۔۔۔۔۔وہ رک پھر کہہ گیا
ایک منٹ۔۔۔۔۔ ایلاف نے گاڑی کا دروازہ کھولا، پھر اچانک رک گئی۔
اب کیا ہوا۔۔۔۔۔۔۔۔۔وہ اب اکتائے ہوئے انداز میں پوچھ گیا
آج تم ہمیں چھوڑنے جا رہے ہو یا راستے میں کسی سے ملنا ہے۔۔۔۔۔۔وہ سوچتے پوچھ گئی
ہاتھ مت لگانا۔۔۔۔میں شکایت کر دوں گی۔۔۔۔ شایان نے اس کے سر پر ہلکی سی چپت لگانے کے لیے ہاتھ بڑھایا۔۔۔مگر ایلاف فوراً پیچھے ہو گئی۔
کس سے۔۔۔۔۔ وہ ہنستے پوچھ گیا
رعاد بھائی سے۔۔۔۔۔۔ وہ منہ چڑاتے بولی
اچھا۔۔۔بیٹھو۔۔۔۔آج تمہاری ہر بات مانوں گا۔۔۔۔ شایان ہاتھ وہیں روک بولا
مہر نے قہقہہ لگایا اور دونوں گاڑی میں بیٹھ گئیں
۔۔۔۔۔۔۔۔۔۔۔۔۔۔۔۔۔۔۔
دوسری طرف شہر کے ایک معروف کاروباری مرکز میں واقع شاہ انٹرپرائزز کے دفتر میں صبح کی مصروفیات شروع ہو چکی تھیں۔
دفتر کے بڑے کانفرنس روم میں چند افراد ایک اہم میٹنگ کے لیے جمع تھے۔ میز پر فائلیں کھلی ہوئی تھیں اور اسکرین پر ایک پروجیکٹ کی تفصیلات موجود تھیں۔
رعاد کمرے میں داخل ہوا تو گفتگو خودبخود تھم گئی۔
شروع کریں۔۔۔۔۔۔ اس نے اپنی کرسی سنبھالی، سامنے رکھی فائل کھولی اور چند صفحات پر نظر دوڑائی۔
پروجیکٹ مینیجر نے پریزنٹیشن شروع کی۔
یہ اعداد و شمار کس بنیاد پر تیار کیے گئے ہیں۔۔۔۔۔ چند منٹ تک رعاد خاموشی سے سنتے پھر ایک جگہ اس نے ہاتھ اٹھا کر اسے روک پوچھا
سر۔۔۔۔یہ پچھلے تین ماہ کی رپورٹ کے مطابق ہیں۔۔۔۔ مینیجر نے فوراً وضاحت دینا شروع کی۔
میں نے پچھلے تین ماہ کی رپورٹ نہیں مانگی تھی۔۔۔۔۔میں نے موجودہ صورتحال کے مطابق تخمینہ مانگا تھا۔۔۔۔ رعاد غصے سے فائل بند کر تے گویا
سر۔۔۔۔ہم اسے اپڈیٹ کر دیں گے۔۔۔۔منیجر تھوڑا ڈرتے بولا
آپ کو یہ کام میٹنگ سے پہلے کرنا چاہیے تھا۔۔۔۔میٹنگ کے دوران نہیں۔۔۔۔۔وہ سنجیدگی سے بولتے کمرے میں خاموشی پھیلا گیا
آپ کے پاس آج دوپہر تک کا وقت ہے۔۔۔۔۔۔مجھے درست اعداد و شمار چاہئیں۔۔۔اندازے نہیں۔۔۔۔ رعاد اپنی گھڑی کو دیکھ بولا
جی سر۔۔۔۔۔۔منیجر فورا بولا
اور یہ معاہدہ۔۔۔۔۔۔ اس نے اگلی فائل کھولی۔
سر،۔۔۔دوسری پارٹی کچھ شرائط میں تبدیلی چاہتی ہے۔۔۔ اس بار قانونی شعبے کے سربراہ نے بات شروع کی۔
کون سی شرائط۔۔۔۔وہ پوچھ گیا
ادائیگی کے شیڈول اور ڈیلیوری کی تاریخ میں۔۔۔۔۔ وہ بتا گیا
ہم پہلے ہی ان شرائط پر اتفاق کر چکے ہیں۔۔۔۔اگر انہیں تبدیلی چاہیے تو تحریری طور پر وجہ دیں۔۔۔۔زبانی باتوں پر کوئی معاہدہ تبدیل نہیں ہوگا۔۔۔۔۔۔۔رعاد کاغذ پر ایک نظر ڈال بتا گیا
جی سر۔۔۔۔۔۔ وہ سر خم کر گیا
اور ایک بات واضح کر دوں۔۔۔۔۔۔اس کمپنی میں کسی کے ذاتی تعلقات یا سفارش کی بنیاد پر فیصلے نہیں ہوتے۔۔۔۔کام معیار کے مطابق ہوگا۔۔۔۔۔ اس کے لہجے میں کوئی اونچی آواز نہیں تھی۔۔۔۔مگر الفاظ میں ایسا وزن تھا کہ کسی کو مزید وضاحت کی ضرورت محسوس نہ ہوئی۔
میٹنگ ختم ہونے کے بعد سب اپنی فائلیں سمیٹ کر باہر نکل گئے۔
آج کی تمام رپورٹس میرے پاس دو بجے تک ہونی چاہئیں رعاد نے اپنے اسسٹنٹ کو بلایا۔
جی سر۔۔۔۔۔
اور اسلام آباد والے کلائنٹ سے دوبارہ وقت لے لو ۔۔۔میں خود بات کروں گا۔۔۔۔۔۔ وہ حکم دے گیا
ضرور سر۔۔۔۔۔۔اسسٹنٹ باہر نکل گیا تو رعاد نے کرسی کی پشت سے ٹیک لگا لی۔
۔۔۔۔۔۔۔۔۔۔۔۔۔۔۔۔۔۔
یونیورسٹی کے لان میں ایلاف اور مہر ایک بینچ پر بیٹھی تھیں۔ ایلاف اپنے نوٹس کھولے ہوئے تھی، مگر اس کی توجہ سامنے سے گزرتے طلبہ پر زیادہ تھی۔
تم نے اسائنمنٹ مکمل کر لیا۔۔۔۔۔مہر نے پوچھا۔
تقریباً۔۔۔۔ وہ بولتے پھر سامنے دیکھ گئی
تقریباً کا مطلب۔۔۔۔ مہر اسے دیکھ پھر پوچھ گئی
مطلب یہ کہ ابھی دو سوال باقی ہیں۔۔۔۔۔ وہ اب اس کو دیکھ بتا گئی
ایلاف ۔۔۔۔آج جمع کروانا ہے۔۔۔۔ مہر جیسے اسے یاد دلا گئی
تو کر دوں گی۔۔۔۔۔۔ وہ اطمینان سے بولی
دکھاؤ۔۔۔۔میں دیکھ لیتی ہوں۔۔۔۔۔ مہر اس کی فائل اپنی طرف کھینچ بولی
نہیں۔۔۔۔تم اپنے کام پر توجہ دو۔۔۔۔۔ ایلاف نے فوراً فائل واپس کھینچی۔
میں تمہاری مدد کر رہی ہوں۔۔۔۔۔مہر حیران ہوتے بولی
مجھے تمہاری مدد کی ضرورت نہیں۔۔۔۔۔۔۔۔وہ لاپرواہی سے بولی
اچھا۔۔۔۔۔تو پھر رات کو کس نے کہا تھا کہ مہر پلیز یہ سوال سمجھا دو۔۔۔۔۔ وہ یاد دلا گئی
آہستہ بولو۔۔۔۔لوگ سن لیں گے۔۔۔۔۔ ایلاف آس پاس دیکھ اسے ٹوک گئی
تم بھی نا۔۔۔۔۔ مہر ہنس دی۔
کیا بات ہے۔۔۔آج پھر کسی کی کلاس لگ رہی ہے۔۔۔اسی وقت زین بھی وہاں آ پہنچا۔ ہاتھ میں کافی کا کپ تھامے چہرے پر حسبِ معمول شرارت۔
تمہیں یہاں کس نے بلایا۔۔۔۔۔ ایلاف نے اسے دیکھتے ہی کہا۔
یونیورسٹی انتظامیہ نے۔۔۔۔۔۔وہ فورا بولا
اچھا۔۔۔۔۔تو جا کر کلاس میں بیٹھو۔۔۔۔۔وہ چڑتے بولی
تم دونوں کے ساتھ بیٹھ کر میری تعلیم زیادہ مکمل ہوتی ہے شایان کافی کا گھونٹ لیتے بولا
شایان بھائی۔۔۔۔آپ کو کبھی سنجیدہ بھی ہونا آتا ہے۔۔۔ مہر نے ہنستے ہوئے سر جھٹکا۔
آتا ہے۔۔۔۔مگر تم دونوں کے سامنے موقع نہیں ملتا۔۔۔۔وہ اپنی بتیسی نکالے بولا
ویسے تمہیں معلوم ہے۔۔۔آج ہماری پریزنٹیشن ہے۔۔۔ایلاف نے اپنی کاپی بند کی۔
ہاں۔۔۔۔تو۔۔۔۔ وہ کہتے ساتھ پوچھ گیا
تو یہ کہ تم ہماری مدد کرو گے۔۔۔۔۔ وہ بولتے مسکرائی
میں۔۔۔۔۔۔ شایان نے حیرت سے اسے دیکھا۔
جی ہاں۔۔۔۔۔۔۔آپ۔۔۔۔۔۔ وہ اس کی طرف اشارہ کر بولی
میں تمہاری پریزنٹیشن میں کیا کروں گا۔۔۔۔۔وہ حیران ہوتا پوچھ گیا
بس سامنے بیٹھ کر سنجیدہ شکل بنا کر بیٹھنا۔۔۔۔۔ وہ کہتے ہنسی
جبکہ مہر ہنس ہنس کر دوہری ہو گئی۔
تم دونوں کے لیے تو الگ سے کوئی سزا ہونی چاہیے۔۔۔شایان نے سر ہلایا۔
۔۔۔۔۔۔۔۔۔۔۔۔۔۔۔۔۔۔
دوپہر کے قریب یونیورسٹی کی لائبریری کے باہر مہر اکیلی کھڑی تھی۔ اس کے ہاتھ میں ایک کتاب اور چند نوٹس تھے۔ایلاف کسی کام سے اندر گئی ہوئی تھی۔
مہر نے موبائل نکالا۔ اسکرین پر سرمد کا نام دیکھ کر اس کے لبوں پر بے اختیار مسکراہٹ آ گئی۔
آپ کی دی ہوئی کتاب مل گئی ہے۔۔۔شکریہ۔۔۔۔ اس نے کچھ دیر سوچنے کے بعد ایک میسج لکھا
اچھی طرح پڑھ لینا۔۔۔۔۔۔۔۔اگلی بار خود تلاش کرنا سیکھو گی۔۔۔۔۔ کچھ دیر بعد جواب آ گیا۔
مہر نے پیغام پڑھا تو اس کی مسکراہٹ مدھم ہو گئی۔۔۔اسے یاد آیا ۔۔۔۔کہ دو دن پہلے سرمد نے اسے ایک کاروباری کتاب دی تھی۔۔۔۔۔کیونکہ اس نے کسی اسائنمنٹ کے لیے اس سے مدد مانگی تھی۔
جی۔۔۔۔کوشش کروں گی۔۔۔۔ وہ کچھ دیر اسکرین دیکھ پھر لکھ گئی
اچھا۔۔۔۔۔۔اپنا کام وقت پر مکمل کرنا۔۔۔۔ اس بار جواب آنے میں وقت لگا۔
مہر نے موبائل بند کر دیا۔۔۔۔۔اس کے چہرے پر ایک ہلکی سی اداسی تھی،۔۔۔۔۔۔۔مگر وہ اس اداسی کو چھپانا جانتی تھی۔
کیا ہوا۔۔۔۔۔ ایلاف واپس آئی تو اسے خاموش دیکھ کر رک گئی۔
کچھ نہیں۔۔۔۔۔۔وہ اتنا بولتے خاموش ہوئی
مہر۔۔۔۔۔تمہارے کچھ نہیں والے چہرے کو میں بہت اچھی طرح جانتی ہوں۔۔۔۔۔وہ اسے دیکھ بولی
سرمد کا میسج آیا تھا۔۔۔۔۔۔ مہر کتاب سینے سے لگاتے بولی
اچھا۔۔۔۔۔کیا لکھا۔۔۔۔ ایلاف کے چہرے پر شرارت آ گئی۔
کچھ خاص نہیں۔۔۔۔۔۔۔بس کتاب کے بارے میں پوچھا تھا۔۔۔۔۔وہ کتاب کی طرف اشارہ کر بتا گئ
اور تم نے کیا جواب دیا۔۔۔۔۔۔ وہ پوچھ گئی
جواب دے دیا۔۔۔۔۔۔ وہ منہ بنائے بتا گئی
مہر۔۔۔۔۔تم جانتی ہو نا کہ بھائی ابھی تمہیں اس نظر سے نہیں دیکھتے۔۔۔۔۔ ایلاف اس کے چہرے کو غور سے دیکھ پھر نرمی سے بولی۔
جانتی ہوں۔۔۔۔۔۔ مہر کی نگاہ جھک گئی۔
تو خود کو اتنا پریشان مت کیا کرو۔۔۔۔۔ایلاف سمجھا گئی
میں کوشش کرتی ہوں۔۔۔۔ایلاف ۔۔۔لیکن کچھ لوگوں کو دل سے نکالنا اتنا آسان نہیں ہوتا۔۔۔۔۔ مہر نے ایک گہرا سانس لیا۔
میں تمہیں کچھ کہنے یا بھولنے کو نہیں کہوں گی۔۔۔بس اتنا کہوں گی کہ خود کو مت بھولنا۔۔۔۔۔۔۔۔۔ایلاف اس کا ہاتھ تھام بولی
تم کبھی کبھی بہت سمجھدار باتیں کرتی ہو۔۔۔۔۔۔ مہر نے اس کی طرف دیکھ ہلکا سا مسکراتے بولی
کبھی کبھی۔۔۔۔ وہ منہ بنا گئی
ہاں۔۔۔۔باقی وقت تم ایک مصیبت ہو۔۔۔۔وہ شرارت سے بولی
اچھا۔۔۔۔ابھی بتاتی ہوں۔۔۔۔۔اور پھر دونوں ہنستی ہوئی کلاس کی طرف بڑھ گئیں۔
۔۔۔۔۔۔۔۔۔۔۔۔۔۔۔۔۔۔۔۔
شام کو شاہ ولا میں معمول کی مصروفیات جاری تھیں۔
ایلاف اور مہر یونیورسٹی سے واپس آ چکی تھیں۔
شایان اپنے کمرے میں تھا جبکہ سرمد ابھی دفتر سے واپس نہیں آیا تھا۔
نانی جان۔۔۔۔ زبیدہ بیگم جو لاؤنج میں بیٹھی تسبیح پڑھ رہی تھیں ایلاف ان کے پاس آتے صوفے پر بیٹھ بولی
جی میری بچی۔۔۔۔۔ وہ پیار سے گوئی
آپ نے مجھے بلایا تھا۔۔۔۔۔ وہ اپنی نانی کو دیکھ پوچھ گئی
ہاں۔۔۔۔۔ایک بات بتانی تھی۔۔۔۔۔ وہ اسے دیکھ بولی
بتائیں۔۔۔۔۔۔ ایلاف نے ان کی گود میں سر رکھ دیا۔
آج تمہارے تایا سلیم کا فون آیا تھا۔۔۔۔۔۔۔ زبیدہ بیگم اس کے بالوں میں ہاتھ پھیر تے بولی
تایا کا۔۔۔۔۔۔ ایلاف کا سر ذرا سا اٹھا۔
ہاں۔۔۔۔۔۔۔۔۔انہوں نے بتایا ۔۔۔۔۔۔۔۔۔۔کہ تمہاری دادی جان کے ایصالِ ثواب کے لیے گھر میں قرآن خوانی رکھی ہے۔۔۔۔۔سب کو بلایا ہے۔۔۔۔۔وہ بتا گئی
کب ہے۔۔۔۔۔۔ ایلاف چند لمحے خاموشی کے بعد بولی
جمعے کے دن۔۔۔۔۔۔انہوں نے خاص طور پر کہا ہے کہ تم دونوں ضرور آؤ۔۔۔۔۔وہ بتاتے اسے دیکھ گئی
ازلان بھائی کو بھی۔۔۔۔وہ پھر پوچھ گئی
ہاں۔۔۔۔تم دونوں کو۔۔۔۔۔۔اور کامران سے بھی کہا ہے کہ وہ بھی ساتھ آئیں۔۔۔۔۔ وہ ساری بات بتا گئی
پھر تو جانا پڑے گا۔۔۔۔۔۔ ایلاف نے سر دوبارہ نانی جان کی گود میں رکھ دیا۔
بیٹا۔۔۔۔۔۔۔۔وہ تمہارے اپنے ہیں۔۔۔۔۔۔۔رشتے نبھانے چاہئیں۔۔۔۔۔ زبیدہ بیگم اس کے ماتھے پر ہاتھ پھیر سمجھانے والے انداز میں گوئی
ایلاف نے کوئی جواب نہیں دیا۔ اس کے ذہن میں پچھلے مہینے کے دن گھوم گئے۔ دادی جان کا کمرہ، ان کا کمزور ہاتھ اور آخری بار پکارنا۔
میں جاؤں گی۔۔۔۔۔نانی جان۔۔۔۔۔۔وہ سوچ بولی
اللہ تمہیں خوش رکھے۔۔۔۔۔۔زبیدہ بیگم خوش ہوتے دعا دے گئی
کہاں پر جانے کی بات ہو رہی ہے؟۔۔۔۔۔ کامران شاہ لاؤنج میں داخل ہوتے پوچھ گئے
سلیم کا فون آیا تھا۔۔۔۔۔۔۔جمعے کو ایلاف کی دادی کے لیے قرآن خوانی رکھی ہے۔۔۔۔۔۔۔۔۔انہوں نے سب کو بلایا ہے۔۔۔۔۔ نانی جان نے انہیں تفصیل بتائی
اچھا۔۔۔۔پھر ہم سب چلیں گے۔۔۔۔۔ کامران نے سر ہلایا۔
ماموں۔۔۔۔آپ بھی جائیں گے نا۔۔۔۔۔۔ ایلاف نے فوراً پوچھا۔
بالکل۔۔۔۔تم دونوں کو اکیلے تھوڑی بھیج دوں گا۔۔۔۔ کامران مسکرائے۔
اور رعاد بھائی۔۔۔۔۔۔ ایلاف اطمینان سے سر ہلاتے رعاد کا پوچھ گئی
وہ بھی ساتھ چلیں گا ۔۔۔۔۔۔۔۔میں اس سے بات کر لوں گا۔۔۔۔۔۔ کامران اسے دیکھ بولے
۔۔۔۔۔۔۔۔۔۔۔۔۔۔۔۔۔۔
جمعے کی صبح شاہ ولا میں معمول سے کچھ زیادہ خاموشی تھی۔
ایلاف اپنے کمرے میں تیار ہو رہی تھی۔۔۔۔۔۔۔۔۔۔اس نے ہلکے رنگ کا سادہ سا لباس پہنا تھا
ایلاف ۔۔۔۔۔تیار ہو گئی۔۔۔۔۔۔۔۔مہر دروازے پر آ کر رکی۔
بس دو منٹ۔۔۔۔۔۔ وہ دوپٹہ اٹھاتے بولی
تمہارے دو منٹ ہمیشہ دس منٹ کے ہوتے ہیں۔۔۔۔۔مہر بولتے اسے گھوری سے نواز گئی
آج نہیں۔۔۔۔۔۔وہ اسے دیکھ بولی
تمہیں معلوم ہے۔۔۔۔۔۔سرمد بھی تیار ہو گئے ہیں۔۔۔۔ مہر نے کمرے میں داخل ہوتے ہوئے کہا۔
تو۔۔۔۔۔۔ ایلاف نے آئینے میں اسے دیکھا۔
تو کچھ نہیں۔۔۔۔۔۔۔وہ چڑی
تم پھر ان کے بارے میں سوچ رہی ہو۔۔۔۔۔۔ ایلاف نے آنکھیں سکیڑیں۔
نہیں تو۔۔۔۔۔ مہر نے فوراً نظریں پھیر لیں۔
اچھا۔۔۔۔پھر تمہارے گال سرخ کیوں ہو رہے ہیں۔۔۔۔وہ اسے دیکھ مسکرائی
ایلاف ۔۔۔۔۔۔وہ روہانسی ہوئی
اچھا بابا۔۔۔۔نہیں چھیڑتی۔۔۔۔۔۔ ایلاف ہنس دی۔
۔۔۔۔۔۔۔۔۔۔۔۔۔۔۔۔
دونوں نیچے آئیں تو سرمد اور کامران شاہ لاؤنج میں موجود تھے۔ رعاد بھی وہیں کھڑا فون پر کسی سے بات کر رہا تھا۔
چلیں۔۔۔۔۔ وہ کال ختم کرتے گھڑی دیکھ بولا
ہاں سب آ گئے ہیں۔۔۔۔۔۔ کامران نے سر ہلایا۔
تم تیار ہو۔۔۔۔۔ رعاد نے ایلاف کی طرف دیکھا۔
جی رعاد بھائی۔۔۔۔ ایلاف مسکراتے بولی
تو پھر گاڑی میں بیٹھو۔۔۔۔۔۔۔وہ سنجیدہ سا گویا
ایلاف نے مہر کی طرف دیکھا۔۔۔۔۔پھر سرمد کے ساتھ باہر نکل گئی۔
کچھ دیر بعد گاڑیاں سلیم شاہ کے گھر کے سامنے رکیں۔
گھر کے باہر پہلے سے چند گاڑیاں کھڑی تھیں۔ اندر قرآن خوانی کا انتظام تھا۔ خواتین ایک طرف بیٹھی تلاوت کر رہی تھیں جبکہ مرد حضرات دوسرے حصے میں موجود تھے۔
آئیے کامران بھائی۔۔۔۔آپ لوگوں کا انتظار تھا۔۔۔۔ سلیم شاہ نے دروازے پر ہی کامران کا استقبال کیا۔
کیسے ہیں آپ۔۔۔۔۔۔ کامران نے ان سے مصافحہ کیا۔
اللہ کا شکر ہے۔۔۔۔آپ سنائیں۔۔۔۔۔وہ کہتے پوچھ گئے
آؤ بچوں۔۔۔۔۔۔اندر آؤ۔۔۔۔۔۔۔سرمد اور ایلاف نے بھی سلام کیا۔ نسریں بیگم آگے بڑھیں اور دونوں کو محبت سے گلے لگایا۔
السلام علیکم، تائی جان۔۔۔۔۔۔۔ ایلاف نے انہیں سلام کیا۔
وعلیکم السلام۔۔۔جیتی رہو۔۔۔۔۔وہ بھی پیار سے گوئی
فہیم شاہ بھی وہاں آ گئے۔ انہوں نے سرمد سے حال احوال پوچھا اور پھر کامران کے ساتھ اندر چلے گئے۔
رعاد نے سلیم شاہ کو سلام کیا۔ دونوں کے درمیان مختصر رسمی گفتگو ہوئی۔
آؤ ۔۔۔رعاد ۔۔۔۔اندر تشریف لاؤ ۔۔۔۔وہ بولے
رعاد نے ایک نظر ایلاف کی طرف ڈالی۔۔۔۔جو نسریں بیگم کے ساتھ اندر جا رہی تھی۔۔۔۔۔پھر کامران کے ہمراہ مردوں والے حصے میں چلا گیا۔
قرآن خوانی کے بعد سب کے لیے کھانے کا انتظام کیا گیا۔
ایلاف خواتین کے ساتھ بیٹھی تھی۔۔۔۔۔نسریں بیگم بار بار اس کے پاس آ کر کچھ نہ کچھ پوچھ رہی تھیں۔
بیٹا۔۔۔۔یونیورسٹی کیسی جا رہی ہے۔۔۔۔۔ وہ پوچھ گئی
اچھی جا رہی ہے، تائی جان۔۔۔۔۔ وہ بولی
کبھی فرصت سے آؤ ۔۔۔۔۔۔۔۔تو کچھ دن ہمارے پاس بھی رہنا۔۔۔۔۔ وہ ایلاف کو دیکھ بولی
جی۔۔۔۔کوشش کروں گی۔۔۔۔۔ ایلاف نے ہلکی مسکراہٹ کے ساتھ جواب دیا۔
اسے اب گھر کے لوگوں سے بات کرنے میں پہلے جیسی جھجک نہیں ہوتی تھی، مگر وہ ابھی بھی ہر بات میں ایک حد قائم رکھتی تھی۔
کچھ دیر بعد وہ پانی لینے کے لیے باہر والے حصے کی طرف آئی۔ وہاں نسبتاً خاموشی تھی۔
ایک طرف چند کرسیاں رکھی تھیں اور کھڑکی کے قریب ایک چھوٹی سی میز پر پانی کی بوتلیں موجود تھیں۔
ایلاف ۔۔۔۔۔۔۔۔ ایلاف نے گلاس اٹھایا ہی تھا کہ پیچھے سے آواز آئی۔
حمزہ کھڑا تھا۔۔۔۔۔۔ اس نے پلٹ کر دیکھا۔
السلام علیکم۔۔۔۔۔ وہ بولتے چلا
وعلیکم السلام۔۔۔۔۔ ایلاف نے ادھر ادھر دیکھتے جواب دیا
کیسی ہیں آپ۔۔۔۔۔ حمزہ نے اس کی طرف آتے ہوئے پوچھا۔
ٹھیک ہوں۔۔۔۔۔۔وہ مختصر گوئی
کافی دن بعد ملاقات ہو رہی ہے۔۔۔۔۔ وہ پھر بولا
ہمممم۔۔۔۔۔پچھلی بار کے بعد آنا نہیں ہوا۔۔۔۔۔ ایلاف نے پانی کا گھونٹ لیا۔
کیا میں یہاں بیٹھ جاؤں۔۔۔۔۔ حمزہ سامنے رکھی کرسی کی طرف اشارہ کر آج پھر پوچھ گیا
کرسی تو خالی ہے۔۔۔۔۔۔لیکن آپ کو بیٹھنے کے لیے مجھ سے اجازت کیوں چاہیے۔۔۔۔۔۔ ایلاف نے کرسی کی طرف دیکھا، پھر اسے۔
بس ایسے ہی پوچھ لیا۔۔۔۔۔۔ حمزہ ہنس دیا۔
اچھا کیا۔۔۔۔ویسے پوچھنا اچھی عادت ہے۔۔۔۔۔وہ بولی
آپ کی باتوں میں کافی تبدیلی آ گئی ہے۔۔۔۔۔ حمزہ نے کرسی کھینچ لی۔
کیوں۔۔۔۔۔پہلے میں بات نہیں کرتی تھی۔۔۔۔ ایلاف نے بھنویں اٹھائیں۔
نہیں۔۔۔۔۔پہلے آپ کافی خاموش رہتی تھیں۔۔۔۔۔وہ اسے غور سے دیکھ بولا
تو اب بولنے لگی ہوں۔۔۔۔۔ وہ دوٹوک بولتے منہ بناتے مسکرائی
یہ تو نظر آ رہا ہے۔۔۔۔۔۔ وہ بتا گیا
اور آپ پہلے بھی کافی سوال کرتے تھے یا یہ بھی نئی عادت ہے۔۔۔۔۔۔ ایلاف گلاس میز پر رکھ پوچھ گئی
آپ کے ساتھ بات کرنے کے لیے سوال تو کرنے پڑیں گے نا۔۔۔۔۔۔ حمزہ اس کے جواب پر مسکرایا۔
کیوں۔۔۔۔۔کوئی انٹرویو ہو رہا ہے میرا۔۔۔۔۔ ایلاف نے فوراً اسے دیکھا۔
نہیں۔۔۔۔بس آپ کو جاننے کی کوشش کر رہا ہوں۔۔۔۔ حمزہ ہنس پڑا۔
اتنی جلدی بھی کیا ہے۔۔۔۔۔ابھی تو آپ کو میرا نام بھی یاد ہو گیا ہے۔۔۔۔۔وہ گوئی
آپ پہلے سے زیادہ بے تکلف ہو گئی ہیں۔۔۔۔۔۔ حمزہ نے اس کی طرف دیکھا۔ اس کی گفتگو میں شوخی تھی، مگر لہجے میں ایک واضح حد بھی۔
آپ بھی تو پہلے سے زیادہ بے تکلف ہونے کی کوشش کر رہے ہیں۔۔۔۔۔ وہ اس کا سوال اسی پر الٹا گئی
اچھا۔۔۔۔۔مان لیا۔۔۔۔ حمزہ ایک لمحے کو خاموش ہوا، پھر مسکرا کر بولا۔
ویسے مجھے اندر جانا ہے۔۔۔۔۔۔۔۔۔ایلاف نے گھڑی دیکھی۔
اتنی جلدی۔۔۔۔۔ وہ فورا بولا
جی۔۔۔۔۔۔میں یہاں آپ کے سوالوں کے جواب دینے کے لیے تو نہیں بیٹھی۔۔۔۔۔ وہ پھر دو ٹوک بولی
اچھا۔۔۔۔۔پھر کبھی سہی۔۔۔۔۔۔ حمزہ نے ہنستے ہوئے سر ہلایا۔
رعاد بھائی۔۔۔۔۔ ایلاف جانے کے لیے مڑی ہی تھی کہ اسے چند قدم دور رعاد کھڑا دکھائی دیا۔
یہاں کیا کر رہی ہو۔۔۔۔۔۔ رعاد اس کی طرف دیکھ سنجیدگی سے پوچھ گیا
پانی پینے آئی تھی۔۔۔۔۔۔ وہ اسے دیکھ بولی
پانی پی لیا۔۔۔۔۔۔وہ سرخ ہوتے چہرے سے پوچھ گیا
جی۔۔۔۔۔ وہ حیرانگی سے بتا گئی
تو چلو۔۔۔۔۔وہ بولا
میں چلتی ہوں۔۔۔۔۔۔۔ ایلاف نے حمزہ کی طرف دیکھا۔
السلام علیکم۔۔۔۔۔۔رعاد صاحب۔۔۔۔۔ حمزہ نے رعاد کی طرف رخ کیا۔
وعلیکم السلام۔۔۔۔۔۔۔رعاد کا جواب مختصر تھا۔
حمزہ نے مزید کچھ کہنے کے بجائے سر ہلایا اور دوسری طرف چلا گیا۔
آپ یہاں کب آئے۔۔۔۔۔۔۔۔ایلاف رعاد کے ساتھ چلنے لگی۔
رعاد نے کوئی جواب نہیں دیا تو وہ بھی خاموش ہوئی
کافی دیر سے بات ہو رہی تھی۔۔۔۔۔۔ چند منٹ کی خاموشی کے بعد رعاد سوال کر گیا
کس سے۔۔۔۔۔۔ ایلاف نے اسے دیکھا۔
حمزہ سے۔۔۔۔۔۔۔۔۔۔۔رعاد نے ایک نظر اس کی طرف ڈالی۔
نہیں۔۔۔۔۔بس دو منٹ۔۔۔۔۔وہ بولی
تمہیں ہر بات کا جواب دینا ضروری لگتا ہے۔۔۔۔۔۔ وہ تھوڑا غصے سے گویا
وہ میرے تایا کا بیٹا ہے ۔۔۔۔۔بات کر رہی تھی تو کیا مسئلہ ہے۔۔۔۔۔۔ ایلاف رک گئی۔
میں نے مسئلہ نہیں کہا۔۔۔۔۔۔۔ رعاد بھی رکتے اپنی نگاہ ایلاف کے چہرے پر ڈالے گویا
تو پھر پوچھ کیوں رہے ہیں۔۔۔۔۔ وہ تیوری چڑھائے اگلا سوال کر گئی
کیونکہ تمہیں کبھی کبھی یہ سمجھنے کی ضرورت ہوتی ہے کہ سامنے والا کس حد تک بے تکلف ہو رہا ہے۔۔۔۔۔رعاد چباتے بولتے ساتھ اسے گھوری سے بھی نواز گیا
میں کس سے کیسے بات کروں۔۔۔۔۔۔یہ فیصلہ میں خود کر سکتی ہوں۔۔۔۔۔ ایلاف نے فوراً جواب دیا۔
بہت اچھی بات ہے۔۔۔۔۔۔۔پھر اپنی سمجھ استعمال بھی کیا کرو۔۔۔۔۔۔ رعاد کے چہرے پر ناگواری کی ہلکی سی جھلک آئی۔
جی۔۔۔۔۔ضرور۔۔۔۔۔۔ ایلاف نے منہ بنایا۔
رعاد نے مزید کچھ نہیں کہنے کو ترک کر تے آگے بڑھ گیا۔
ہر وقت حکم چلانا ضروری ہے۔۔۔۔ ایلاف اس کی پشت کو دیکھ آہستہ سے بڑبڑائی۔۔۔۔۔۔ مگر اس بار رعاد نے مڑ کر نہیں دیکھا۔
۔۔۔۔۔۔۔۔۔۔۔۔۔۔۔۔۔۔۔۔
گھر کے دوسرے حصے میں سرمدایک طرف کھڑا فہیم شاہ سے کاروبار کے متعلق گفتگو کر رہا تھا۔ بات ختم ہوئی تو وہ پانی لینے کے لیے کچن کی طرف بڑھا۔
سرمد بھائی۔۔۔۔۔۔۔مہر سرمد کو دیکھ گلاس تھامے بولی
مہر۔۔۔۔تم یہاں۔۔۔۔۔ سرمد نے اسے دیکھا۔
پانی لینے آئی تھی۔۔۔۔۔۔ وہ مختصر جواب دے گئی
اچھا۔۔۔۔۔ سرمد میز سے پانی کی بوتل اٹھاتے گلاس میں پانی ڈالنے لگا۔
آپ کی میٹنگ کیسی رہی تھی۔۔۔۔۔۔ مہر کچھ لمحے خاموش کے بعد دھڑکتے دل کو سنبھال بولی۔
کون سی میٹنگ۔۔۔۔۔ سرمد نے گلاس رکھتے ہوئے اسے دیکھا۔
آپ نے بتایا تھا نا کہ اس ہفتے ایک اہم میٹنگ ہے۔۔۔۔وہ یاد دلا گئی
اچھا۔۔۔۔۔وہ۔۔۔۔۔ٹھیک رہی۔۔۔۔الحمدللہ۔۔۔۔وہ یاد آتے بتا گیا
تمہاری پڑھائی کیسی جا رہی ہے۔۔۔۔۔۔ سرمد گلاس اٹھاتے اسے ایک نظر دیکھ پوچھ گیا
اچھی جا رہی ہے۔۔۔۔۔۔۔۔۔اسائنمنٹ بھی مکمل کر لیا ہے۔۔۔۔۔ مہر کے چہرے پر ہلکی سی خوشی آئی۔
اچھا ہے۔۔۔وقت پر کام مکمل کرنے کی عادت رکھو۔۔۔آگے یہی کام آئے گی۔۔۔۔۔ وہ تاکید کر کر گیا
جی۔۔۔۔۔ وہ سر جھکا گئی
سرمد ۔۔۔۔۔۔بھائی ۔۔۔۔۔ سرمد جانے کے لیے مڑا ہی رھا کہ مہر نے بے اختیار اسے آواز دی۔
جی۔۔۔۔۔۔ وہ رکتے پلٹ بولا
آپ کو یاد ہے۔۔۔۔۔۔بچپن میں آپ نے مجھے سائیکل چلانا سکھائی تھی۔۔۔۔۔ مہر چند لمحے اسے دیکھتے پھر ہلکی سی مسکراہٹ کے ساتھ بولی۔
ہاں۔۔۔۔۔اور تم نے دو دن میں میری سائیکل کا حال برا کر دیا تھا۔۔۔۔۔ سرمد کے چہرے پر پہلی بار ہلکی سی مسکراہٹ آئی۔
میں گر گئی تھی۔۔۔۔۔۔۔ مہر ہنس دی۔
اور سائیکل دیوار سے ٹکرا دی تھی۔۔۔۔۔۔وہ بولا
وہ جان بوجھ کر نہیں کیا تھا۔۔۔۔ مہر فورا بولی
مجھے معلوم ہے۔۔۔۔۔ وہ بتا گیا
مجھے ایک کال لینی ہے۔۔۔۔۔تم اندر جاؤ۔۔۔۔سب تمہارا انتظار کر رہے ہوں گے۔۔۔۔۔ اس سے پہلے مہر کچھ کہتی کہ سرمد کے موبائل پر رنگ ہوئی وہ اسکرین کو دیکھ کہتے گیا
مہر وہیں کھڑی اسے جاتے دیکھتی رہی۔
اس کے چہرے پر مسکراہٹ تو تھی۔۔۔۔۔۔مگر آنکھوں میں ایک ایسی اداسی بھی تھی جسے وہ کسی سے بیان نہیں کر سکتی تھی۔
اسے سرمد کی وہی مختصر سی مسکراہٹ بھی بہت کچھ دے جاتی تھی ۔۔۔۔۔۔۔۔۔جبکہ سرمد کے لیے وہ بس ایک پرانی یاد تھی۔
۔۔۔۔۔۔۔۔۔۔۔۔۔۔۔۔۔
واپسی سے پہلے سب لوگ لاؤنج میں جمع تھے۔کامران شاہ اور سلیم شاہ آپس میں گفتگو کر رہے تھے۔ نسریں بیگم نے ایلاف کو اپنے پاس بٹھا رکھا تھا۔
بیٹا۔۔۔۔۔اب کبھی کبھار آ جایا کرو۔۔۔۔۔ گھر میں رونق ہو جاتی ہے۔۔۔۔۔۔وہ پیار سے گوئی
جی۔۔۔۔ ایلاف نے مسکرا کر جواب دیا۔
بیٹا۔۔۔۔۔تم بھی وقت نکالا کرو۔۔۔۔۔۔کاروبار تو چلتا ہی رہے گا۔۔۔۔۔۔ سلیم شاہ نے سرمد کی طرف دیکھا۔
جی تایا جان۔۔۔۔۔ ضرور۔۔۔۔۔ سرمد نے ادب سے جواب دیا۔
رعاد ۔۔۔۔۔چلو۔۔۔۔۔ رعاد کچھ فاصلے پر کھڑا اپنی گھڑی دیکھ رہا تھا۔ کامران نے اسے آواز دی۔
چلیں ۔۔۔۔ وہ کہہ گیا
سب نے گھر والوں سے اجازت لی۔۔۔ایلاف نے نسریں بیگم کو گلے لگایا اور پھر گاڑی کی طرف بڑھ گئی۔
اللہ حافظ۔۔۔۔۔ایلاف ۔۔۔۔ حمزہ بھی دروازے تک انہیں رخصت کرنے آیا۔
اللہ حافظ۔۔۔۔۔وہ بولی
پھر ملاقات ہوگی۔۔۔۔۔ حمزہ پھر بولا
رعاد نے گاڑی کا دروازہ کھول ایلاف کو بیٹھنے کا اشارہ کیا۔
ایلاف بیٹھ گئی۔۔۔۔۔۔رعاد ایک نظر حمزہ کو دیکھ دوسری طرف سے ڈرائیونگ سیٹ پر آیا۔
گاڑی چل پڑی تو ایلاف نے کھڑکی سے باہر دیکھنا شروع کر دیا۔
رعاد بھائی۔۔۔۔۔۔ ایک بات پوچھو ۔۔۔۔ کچھ دیر بعد اس نے خود ہی خاموشی توڑ پوچھا
نہیں ۔۔۔۔۔ وہ دوٹوک جواب دے گیا
آپ کو حمزہ اچھا نہیں لگا۔۔۔۔۔ وہ اس کے نہیں کو اگنور کر اپنے دل کی بات پوچھ گئی
میں یہاں کسی کو اچھا یا برا قرار دینے نہیں آیا تھا۔۔۔ رعاد کی نگاہ سڑک پر رہی۔
لیکن آپ کا چہرہ بتا رہا تھا کہ آپ کو اچھا نہیں لگا۔۔۔۔وہ پھر بولی
تمہیں دوسروں کے چہرے پڑھنے سے زیادہ اپنی سمجھ بوجھ پر توجہ دینی چاہیے۔۔۔۔۔۔۔۔۔رعاد ایک لمحے کو اس کی طرف دیکھ سنجدگی سے گویا
آپ سے بات کرنا ہی فضول ہے۔۔۔۔۔ ایلاف نے منہ پھیر لیا۔
تو مت کیا کرو۔۔۔۔۔۔وہ بے زاری سے کہہ گیا
اچھا۔۔۔۔۔اب میں بات بھی نہ کروں۔۔۔۔۔ ایلاف نے اسے گھورا۔
میں نے یہی کہا ہے۔۔۔۔۔۔۔۔۔وہ بولتے اسے مزید زچ کر گیا
ایلاف نے ناراضی سے کھڑکی کے باہر دیکھنا شروع کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
رات کو شاہ ولا میں سب اپنے اپنے کمروں میں جا چکے تھے۔
سرمد اپنے کمرے میں لیپ ٹاپ کھولے بیٹھا تھا۔ مہر کا بھیجا ہوا ایک پرانا پیغام اسکرین پر نظر آیا۔
اس نے اسے کھولا، پھر کچھ لمحے سوچ کر موبائل ایک طرف رکھ دیا۔
دوسری طرف ایلاف اپنے بستر پر لیٹی دن بھر کے واقعات سوچ رہی تھی۔
اسے حمزہ کی باتیں بھی یاد آ رہی تھیں اور رعاد کا وہی سخت لہجہ بھی۔
عجیب انسان ہیں۔۔۔۔۔۔۔۔۔۔وہ بڑبڑائی اور کروٹ بدل لی۔
ادھر رعاد اپنے کمرے میں اگلے دن کی میٹنگ کی فائل دیکھ رہا تھا۔
ایک طرف کام کی مصروفیات تھیں اور دوسری طرف آج کی چند باتیں ذہن میں گردش کر رہی تھیں۔
حمزہ کا ایلاف سے بات کرنا۔۔۔۔ایلاف کا اس کے سامنے بے تکلفی سے جواب دینا۔۔۔۔۔۔۔۔اسے یہ سب معمولی بات سمجھنی چاہیے تھی۔۔۔۔۔۔۔مگر جانے کیوں اس کے ذہن میں وہ منظر بار بار آ رہا تھا۔
فضول باتوں میں وقت ضائع نہیں کرنا چاہیے۔۔۔۔ وہ فائل بند کر کرسی سے ٹیک لگاتے سوچ گیا
لیکن بعض اوقات انسان جس بات کو معمولی سمجھ کر نظر انداز کرنا چاہتا ہے۔۔۔۔۔وہی بات خاموشی سے ذہن کے کسی کونے میں جگہ بنا لیتی ہے۔
اور شاہ ولا میں زندگی ایک بار پھر اپنے معمول کے مطابق چل رہی تھی۔۔۔۔۔۔۔مگر کچھ رشتوں کے درمیان فاصلے اب بھی ویسے ہی تھے۔۔۔۔۔اور کچھ نئی قربتیں آہستہ آہستہ اپنی جگہ بنا رہی تھیں۔
۔۔۔۔۔۔۔۔۔۔۔۔۔۔۔۔۔۔۔
جاری ہے۔۔۔
مزید ناولز کے لئے نیچے جائیں ، یہاں مکمل اور قسط وار سبھی ناولز کے لنکس دئیے گئے ہیں۔
If you want to read More the Beautiful Complete novels, go to this link quickly, and enjoy the Novels ۔۔۔۔۔۔
If you want to read All Madiha Shah Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read Youtube & Web Speccial Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read All Madiha Shah And Others Writers Continue Novels , go to this link quickly, and enjoy the All Writers Continue Novels ۔۔۔۔۔۔۔۔۔۔۔۔۔۔
If you want to read Famous Urdu Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
This is Official Web by Madiha Shah Writes۔She started her writing journey in 2020. Madiha Shah is one of those few writers. who keep their readers bound with them, due to their unique writing ✍️ style. She started her writing journey in 2020. She has written many stories and choose a variety of topics to write about
Chaya Hai Jo Dil Pe Novel
Madiha Shah presents a new urdu social romantic novel Chaya Hai Jo Dil Pe Dil written by Madiha Shah . Chaya Hai Jo Dil Pe by Madiha Shah is a special novel, many social evils have been represented in this novel. She has written many stories and choose a variety of topics to write about Hope you like this Story and to Know More about the story of the novel, you must read it.
Not only that, Madiha Shah, provides a platform for new writers to write online and showcase their writing skills and abilities. If you can all write, then send me any novel you have written. I have published it here on my web. If you like the story of this Urdu romantic novel, we are waiting for your kind reply
Thanks for your kind support...
Romantic Urdu Novels
Madiha Shah has written many novels, which her readers always liked. She tries to instill new and positive thoughts in young minds through her novels. She writes best.
Copyrlight Disclaimer:
This Madiha Shah Writes Official only share links to PDF Novels and do not host or upload any file to any server whatsoever including torrent files as we gather links from the internet searched through world’s famous search engines like Google, Bing etc. If any publisher or writer finds his / her Novels here should ask the uploader to remove the Novels consequently links here would automatically be deleted
.jpg)
No comments:
Post a Comment