Chaya Hai Jo Dil Pe By Madiha Shah New Novel Epi 1Web & Youtube Special Novel
Madiha Shah Writer ; Urdu Novels Stories
Novel Genre : Romantic Urdu Novel Enjoy Reading…
Chaya Hai Jo Dil Pe By Madiha Shah
Writer Name : Madiha Shah
Novel ; Epi 1
چھایا ہے جو دل پہ
مدیحہ شاہ
قسط نمبر 1
۔۔۔۔۔۔۔۔۔۔۔۔۔۔۔۔
صبح کے دس بج رہے تھے۔
شاہ ولا میں حسبِ معمول خوب رونق تھی۔ کوئی ناشتے کی میز پر بیٹھا تھا، کوئی اخبار پڑھ رہا تھا اور کوئی اپنے اپنے کاموں میں مصروف تھا۔
شاہ ولا کے وسیع و عریض ڈرائنگ روم میں صبح کی روشنی بڑے شیشوں سے اندر آ رہی تھی۔
زبیدہ بیگم صوفے پر بیٹھی تسبیح پڑھ رہی تھیں، جبکہ کامران شاہ اپنے ہاتھ میں اخبار لیے بیٹھے تھے۔
ان کے چہرے پر ہمیشہ کی طرح سنجیدگی کے ساتھ ایک نرم سا اطمینان تھا۔
کامران۔۔۔۔۔تم نے ناشتہ کر لیا۔۔۔۔۔۔زبیدہ بیگم نے تسبیح کے دانے آگے بڑھاتے ہوئے پوچھا۔
جی امی۔۔۔۔بس ابھی کرنے ہی والا تھا۔۔۔۔۔۔ کامران شاہ نے اخبار تہہ کیا۔
تمہارا یہی ہے۔ کام میں ایسے گم رہتے ہو کہ کھانے پینے کا بھی خیال نہیں رہتا۔۔۔۔۔ وہ گوئی
آپ کی بہو بھی یہی شکایت کرتی رہتی ہیں۔۔۔۔۔ کامران مسکرا دیے۔
شکایت تو تب کروں جب کوئی میری بات سنے بھی۔۔۔۔صبح سے کہہ رہی ہوں کہ وقت پر ناشتہ کر لیا کریں۔۔۔۔مگر ان کے پاس اپنے کاموں سے فرصت ہی کہاں ہے۔۔۔۔ اسی وقت فرزانہ شاہ کمرے سے باہر آئیں۔ ہاتھ میں موبائل تھا اور چہرے پر ہلکی سی ناگواری۔
اچھا بھئی۔۔۔۔۔اب تو بیٹھ جاؤں۔۔۔۔۔ کامران نے مسکرا کر انہیں دیکھا۔
جی، بیٹھ جائیں۔۔۔۔۔۔۔زبیدہ بیگم دونوں کو دیکھ کر مسکرا دیں۔
تم دونوں بھی بس ایک دوسرے کی شکایتیں ہی کرتے رہتے ہو۔۔۔۔۔وہ بولی
امی۔۔۔۔آپ ہی سمجھا دیں اپنے بیٹے کو۔۔۔۔۔۔ فرزانہ ان کے پاس بیٹھ گئیں۔
میں تو کب سے سمجھا رہی ہوں۔۔۔۔۔مگر یہ صاحب کب سنتے ہیں۔۔۔۔۔وہ بولی تو تینوں کے چہروں پر ہلکی سی مسکراہٹ پھیل گئی۔
رعاد کہاں ہے۔۔۔۔ابھی تک نیچے نہیں آیا۔۔۔۔۔۔ اسی دوران کامران شاہ نے گھڑی دیکھ پوچھا
صبح سے آفس کے لیے تیار ہو رہا ہے۔۔۔۔۔آپ جانتے تو ہ۔۔۔۔، اسے ہر کام وقت پر چاہیے۔۔۔۔ فرزانہ نے جواب دیا۔
میرا رعاد بچپن سے ہی ایسا ہے۔۔۔ہر بات میں اصول۔۔۔ہر کام میں وقت۔۔۔۔۔ زبیدہ بیگم نے محبت سے کہا۔
امی۔۔۔۔۔آپ کا لاڈلا ہے۔۔۔۔۔اسی لیے اس کی ہر عادت اچھی لگتی ہے۔۔۔۔۔ کامران ہنس دیے۔
اور تمہاری کون سی عادت بری ہے۔۔۔۔۔۔زبیدہ بیگم نے پیار سے ان کی طرف دیکھا۔
آپ کے سامنے تو سب اچھی ہی ہیں۔۔۔۔۔ کامران نے مسکرا کر سر جھکا لیا۔
ویسے رعاد کو کہہ دیجیے گا کہ آج آفس سے جلدی آ جائے۔۔شام کو کچھ ضروری بات کرنی ہے۔۔۔۔۔ فرزانہ نے چائے کا کپ اٹھاتے ہوئے کہا۔
ٹھیک ہے۔۔۔۔میں اسے بتا دوں گا۔۔۔۔۔ کامران نے ان کی طرف دیکھا۔
اتنے میں اوپر سے قدموں کی آواز سنائی دی۔ سالار سیڑھیاں اترتا ہوا لاؤنج کی طرف آ رہا تھا۔
رعاد بیٹا،۔۔۔۔ادھر آؤ۔۔۔۔۔ زبیدہ بیگم نے اسے دیکھتے ہی آواز دی۔
السلام علیکم۔۔۔۔دادی جان۔۔۔۔۔ رعاد ان کے پاس آیا اور جھک کر ان کے ہاتھ چومے۔
جیتے رہو۔۔۔۔خوش رہو۔ ۔۔۔۔۔۔اتنی جلدی میں کہاں جا رہے ہو۔۔۔۔۔وہ پوچھ گئی
آفس جا رہا ہوں۔۔۔۔۔دادی جان۔۔۔۔۔ وہ بولا
ناشتہ کیے بغیر۔۔۔۔۔ کامران نے اخبار ایک طرف رکھا۔
آفس میں کر لوں گا۔۔۔۔۔ وہ بولتے دیکھ گیا
یہی تو مسئلہ ہے تمہارا۔۔۔۔گھر میں ناشتہ تیار ہوتا ہے۔۔۔مگر تمہیں آفس ہی میں جا کر کھانا ہوتا ہے۔۔۔۔۔ فرزانہ نے فوراً کہا۔
مام۔۔۔۔آج ایک ضروری میٹنگ ہے۔۔۔۔۔۔دیر ہو رہی ہے۔۔۔۔۔۔ رعاد نے اپنی گھڑی درست کی۔
دو منٹ بیٹھنے سے تمہاری میٹنگ خراب نہیں ہو جائے گی۔۔۔۔۔۔۔ زبیدہ بیگم نے اسے اپنے پاس بٹھانے کے لیے ہاتھ پکڑ لیا۔
آپ کا حکم ہو تو میٹنگ بھی چھوڑ سکتا ہوں۔۔۔۔ رعاد ان کے پاس بیٹھ گیا۔
بڑا آیا میرا فرمانبردار۔۔۔۔۔۔ زبیدہ بیگم ہنس پڑیں۔
امی۔۔۔۔۔اس کی باتوں میں نہ آیا کریں۔۔۔۔یہ صرف آپ کے سامنے ایسا بنتا ہے۔۔۔۔ کامران نے مسکراتے ہوئے کہا۔
ڈیڈ ۔۔۔۔۔۔۔آپ کو مجھ سے کوئی شکایت ہے تو سیدھا کہہ دیں۔۔۔۔۔ رعاد کے لبوں پر ہلکی سی مسکراہٹ آئی۔
شکایت تو بہت ہیں۔۔۔۔مگر پہلے ناشتہ کر لو۔۔۔۔۔وہ بولے
اوکے ۔۔۔۔۔۔ رعاد نے سر ہلایا۔
اسی وقت اوپر سے ایلاف کی بلند آواز سنائی دی۔
مہر۔۔۔۔۔۔۔دروازہ کھولو۔۔۔۔۔۔ورنہ میں رعاد بھائی کو بلا لوں گی۔۔۔۔۔۔۔
لو۔۔۔۔۔شروع ہو گئی یہ لڑکی۔۔۔۔۔ فرزانہ نے بے اختیار آنکھیں بند کیں۔
میری ایلاف ہے ہی ایسی۔۔۔۔۔۔پورے گھر میں رونق اسی سے تو ہے۔۔۔۔ زبیدہ بیگم مسکرا دیں۔
اور شور بھی اسی سے ہے۔۔۔۔۔ کامران نے اخبار اٹھاتے ہوئے کہا۔
یہ شور ابھی بند کرواتا ہوں۔۔۔۔۔ رعاد نے آواز کی سمت دیکھا اور آہستہ سے بولا۔
خبردار۔۔۔۔۔میری بچی کو ڈانٹا تو۔۔۔۔۔ زبیدہ بیگم نے فوراً تنبیہ کی۔
دادی جان۔۔۔۔میں نے ابھی کچھ کہا بھی نہیں۔۔۔۔رعاد نے ان کی طرف دیکھا۔
تمہارا کچھ کہنا بھی ڈانٹنے کے برابر ہوتا ہے۔۔۔۔۔وہ بولی تو کامران اور فرزانہ دونوں ہنس دیے۔
رعاد نے سر جھٹکا۔۔۔۔۔چابیاں اٹھائیں ۔۔۔۔اور سیڑھیوں کی طرف بڑھ گیا۔
اسے اندازہ نہیں تھا کہ اوپر اس کی کزن پہلے ہی اس کے لیے ایک نئی مصیبت تیار کیے بیٹھی ہے۔
۔۔۔۔۔۔۔۔۔۔۔۔۔۔۔۔۔
مہرررر۔۔۔۔۔جلدی دروازہ کھولو۔۔۔۔۔۔۔ایلاف شاہ نے مہر کے کمرے کا دروازہ پیٹتے ہوئے آواز لگائی۔
مر جاؤ۔۔۔۔مگر مجھے سونے دو۔۔۔۔۔اندر سے جواب آیا،
اچھا۔۔۔۔۔تو پھر میں تمہاری وہ تصویریں رعاد بھائی کو بھیج دیتی ہوں جو کل تم نے۔۔۔۔۔وہ ابھی اتنا ہی بولی تھی کہ دروازہ فوراً کھل گیا۔
پاگل ہو گئی ہو۔۔۔۔ان کا نام کیوں لے رہی ہو۔۔۔۔مہر نے اس کا بازو کھینچ اندر کرتے منہ پر ہاتھ رکھ بولی
کیوں۔۔۔۔کیا وہ تمہیں کھا جائیں گے۔۔۔۔ ایلاف نے بڑی معصومیت سے پلکیں جھپکائیں۔
تمہیں تو ایک دن وہ ضرور کھا جائیں گے۔۔۔۔۔ مہر گھورتے بولی
ہائے۔۔۔۔۔اتنا خوبصورت لڑکا اور اتنا غصہ۔۔۔۔۔اللہ نے تمہارے بھائی کو بنایا کس خوشی میں ہے۔۔۔۔ ایلاف قہقہہ لگاتے گوئی
بکواس بند کرو۔۔۔۔۔ مہر نے تکیہ اٹھا کر اس کے منہ پر مارتے کہا
اچھا بابا۔۔۔۔۔نہیں کرتی۔۔۔۔۔ویسے آج وہ کہاں ہیں۔۔۔۔۔۔ایلاف تکیہ پکڑتے کہتے ساتھ پوچھ گئی
آفس گئے ہیں۔۔۔۔۔مہر فورا جواب دے گئی
الحمدللہ۔۔۔۔یا اللہ ۔۔۔۔۔۔۔۔ان کے آفس میں بجلی چلی جائے۔۔۔۔۔گاڑی خراب ہو جائے۔۔۔۔۔میٹنگ لمبی ہو جائے ۔۔۔اور وہ آج گھر واپس ہی نہ آئیں آمین۔۔۔۔ایلاف نے دونوں ہاتھ اٹھاتے دعا کی
آمین۔۔۔۔۔پیچھے سے آنے والی بھاری آواز پر دونوں لڑکیاں پتھر کی ہو گئیں۔
ایلاف نے آہستہ سے گردن موڑی
دروازے پر رعاد شاہ کھڑا گھور رہا تھا سفید شرٹ، سیاہ پینٹ، ہاتھ میں گاڑی کی چابیاں اور چہرے پر وہی سنجیدگی جس سے گھر کے لڑکوں کی بھی آواز نکلنا بند ہو جاتی تھی۔
بہت دعائیں مانگی جا رہی ہیں میرے لیے۔۔۔۔۔۔رعاد اپنے قدم بڑھاتے سنجیدگی سے بولا
بھائی۔۔۔۔۔ وہ تو بس مذاق کر رہی تھی۔۔۔۔ مہر نے فوراً اپنا تکیہ درست کرتے کہا
اور تم۔۔۔۔۔ رعاد ایلاف کو گھورتے اس سے مخاطب ہوا
میں تو آپ کی لمبی عمر کی دعا کر رہی تھی بھائی۔۔۔۔ ایلاف اپنے بال کان کے پیچھے کرتے بولی
اچھا۔۔۔۔۔۔ وہ چباتے اچھا پر زور دیتے اسے گھور گیا
جی بالکل۔۔۔۔۔۔وہ پھر اسی طرح بولی
نیچے آؤ۔۔۔۔۔۔ناشتہ کرو۔۔۔۔۔ رعاد گھڑی پر دیکھتے کچھ بھی کہنے سے خود کو روکتے جیسے حکم دے گیا
میرا دل نہیں۔۔۔۔۔ ایلاف منہ بناتے ہمشہ کی طرح بولی
ایلاف ۔۔۔۔۔صرف ایک نام۔۔۔۔۔۔وہ دوسری طرف منہ کیے بس اتنا ہی بولا
جی۔۔۔۔آتی ہوں۔۔۔۔۔ ایلاف سیدھی کھڑی ہوتے منہ بسورتے اس کی پیٹھ دیکھ بولی
ایک رعاد شاہ ہی تھا جس کے آگے ایلاف کی بھی نہیں چلتی تھی
اللہ۔۔۔۔۔انسان ہے یا چلتا پھرتا قانون۔۔۔۔۔ ایلاف پھر اس کی پشت کو دیکھ کر آہستہ سے منہ بناتے بڑبڑائی
میں نے سن لیا ہے۔۔۔۔۔۔وہ دوسری طرف منہ کیے ہی پھر بولا تو ایلاف کی آنکھیں پھیل گئیں۔
نیچے۔۔۔۔پانچ منٹ۔۔۔۔۔ رعاد دروازے کے باہر کھڑا ہوتے پلٹتے پھربولا
جی سر۔۔۔۔۔ وہ بولی تو وہ گیا تھا
تم اپنی موت کو خود دعوت دیتی ہو۔۔۔۔۔۔ مہر نے ایلاف کو دیکھ اپنا سر پکڑ تے بولی
موت سے ڈرنا شاہوں کا شیوہ نہیں۔۔۔۔۔ ایلاف نے شان سے دوپٹہ کندھے پر ڈالتے ڈائیلاگ مارا
چلو بھاگو۔۔۔۔پانچ منٹ پورے ہونے والے ہیں۔۔۔۔۔ پھر اگلے ہی لمحے اس نے مہر کا ہاتھ پکڑ باہر کی طرف لپکی
۔۔۔۔۔۔۔۔۔۔۔۔۔۔۔
رعاد اپنی مخصوص کرسی پر بیٹھا چائے پی رہا تھا۔ اس کے دائیں طرف شایان اور بائیں طرف سرمد بیٹھے تھے۔
لو جی۔۔۔۔مصیبت آ گئی۔۔۔۔۔ شایان نے ایلاف کو آتے دیکھ مسکرا کر کہا
تمہارے لیے ہی تو آئی ہوں،۔۔۔۔پیارے کزن۔۔۔۔ ایلاف کرسی کھینچتے چباتے بولی
اللہ معاف کرے۔۔۔۔۔شایان اس کی بات سن کانوں کو ہاتھ لگاتے مسکرایا
ویسے شایان بھائی۔۔۔۔۔۔کل آپ کی گاڑی کی چابی کس نے چھپائی تھی۔۔۔۔وہ بولتے مسکرائی
تم نے چھپائی تھی۔۔۔۔۔شایان کا چہرہ بدل گیا۔
میں نے۔۔۔۔توبہ۔۔۔میں تو بہت شریف ہوں۔۔۔۔ ایلاف معصومیت سے جوس کا گلاس اٹھاتے بولی
شریف۔۔۔۔تم۔۔۔۔۔۔ سرمد ہنستے بولا
بھائی۔۔۔۔۔آپ کو اپنی بہن کی عزت کرنی چاہیے۔۔۔۔۔ایلاف سرمد کی بات پر بولی
پہلے کوئی عزت کرنے والا کام تو کرو۔۔۔۔۔۔وہ بولا تو سب کی ہنسی نکلی تھی سوائے ایک شخص کے۔
ایلاف ۔۔۔۔۔کھانا کھاتے ہوئے شور نہیں۔۔۔۔ رعاد نے چائے کا کپ میز پر رکھتے ٹوکہ
ایلاف نے فوراً منہ بند کر لیا ۔۔۔چند لمحے خاموشی رہی۔
پھر اس نے آہستہ سے شایان کی پلیٹ سے پراٹھے کا ٹکڑا اٹھا لیا۔
شایان نے گھورا۔
اس نے دوسرا ٹکڑا بھی اٹھا لیا۔
شایان ۔۔۔۔اسے کھانے دو۔۔۔۔تم دوسرا لے لو۔۔۔۔ شایان کچھ بولنے ہی والا تھا کہ رعاد کی آواز آئی۔
دیکھا۔۔۔۔۔گھر میں انصاف ابھی زندہ ہے۔۔۔۔ ایلاف فتح مندانہ مسکراہٹ کے ساتھ پراٹھا منہ میں رکھتے بولی
تم شام کو میرے ساتھ مارکیٹ چل رہی ہو ۔۔۔۔۔ رعاد اسے دیکھ سنجیدگی سے بولا
کیوں۔۔۔۔۔ ایلاف کے منہ میں موجود نوالہ وہیں رک گیا وہ پوچھے بنا نہ رہ سکی
کیونکہ تمہیں کچھ اصول سکھانے ہیں۔۔۔۔۔ وہ سنجیدگی سے اسے گھورتے بولا تو سب نے اسے دیکھا تھا کہ اب تو ایلاف گئی
مجھے۔۔۔۔۔میں نے کیا کیا ہے۔۔۔۔۔وہ معصومیت سے جیسے اپنا جرم پوچھ گئی
کل کالج سے دیر سے آنا۔۔۔۔۔۔۔پرسوں گاڑی کی چابی چھپانا۔۔۔۔۔اس ہفتے تین بار جھوٹ بولنا۔۔۔۔۔اور کل دادی جان کے کمرے میں۔۔۔۔۔ رعاد انگلیوں پر گننا شروع ہوا تو اس کا منہ کھلا
اچھا اچھا۔۔۔۔۔ بآپ کو تو سب کچھ یاد رہتا ہے۔۔۔ایلاف دونوں کانوں پر ہاتھ رکھتے بولی
شایان نے ہنسی دبائی۔
شام پانچ بجے تیار رہنا۔۔۔۔۔۔ رعاد کرسی سے اٹھتے اس کی بات کو اگنور کر اپنا حکم دیتے پلٹا
میں نہیں جاؤں گی۔۔۔۔۔۔ایلاف بڑبڑائی
کیا کہا۔۔۔۔۔ رعاد فورا پلٹ کر اسے گھورتے پوچھ گیا
میں نے کہا۔۔۔۔۔میں بہت خوش نصیب ہوں کہ آپ کے ساتھ جاؤں گی۔۔۔۔۔ ایلاف نے فوراً پانی کا گلاس اٹھاتے مسکراتے بولی تو سب نے حیرانگی سے اسے دیکھا تھا
Good۔۔۔۔۔۔۔ رعاد اس کی بات سن کہتے گیا تھا
ایک دن۔۔۔۔۔۔صرف ایک دن۔۔۔۔میں اس انسان کو ہرا کر دکھاؤں گی۔۔۔۔۔ ایلاف اس کی پشت کو گھورتے بولی
پہلے اپنی چپل تو سیدھی پہن لو ۔۔۔۔۔جنگجو شہزادی۔۔۔۔سرمد اس کے سر پر ہاتھ رکھتے ہلکا سا مسکراتے بولا تو سب کے قہقہے گونج اٹھے۔
۔۔۔۔۔۔۔۔۔۔۔۔۔۔۔۔۔۔
ایلاف آئینے کے سامنے کھڑی بالوں میں برش پھیر رہی تھی۔
تیار ہو۔۔۔۔۔ مہر نے کمرے میں داخل ہوتے ہی پوچھا،
نہیں۔۔۔۔۔۔وہ فورا نہ کر گئی
لیکن پانچ بجنے والے ہیں۔۔۔۔۔ مہر جیسے اسے یاد دلا گئی
تو کیا ہوا۔۔۔۔پانچ بجے انسان پیدا تھوڑی ہوتا ہے۔۔۔ایلاف پھر سے مزاق میں بات کو آڑا گئی
رعاد بھائی کالنگ۔۔۔ ابھی مہر کچھ کہتی کہ اس کی فون پر کال آنی شروع ہوئی
اگر میں فون نہ اٹھاؤں تو۔۔۔۔۔ ایلاف فون کو دیکھ مہر سےجیسے پوچھ گئی
تو وہ خود اوپر آ جائیں گے۔۔۔۔۔مہر بھی فورا اسے بتا گئی رعاد کا
جی۔۔۔۔بھائی۔۔۔۔ ایلاف نے فوراً کال اٹھائی تھی
نیچے آؤ۔۔۔۔۔رعاد کی وہی رعب دار آواز کے ساتھ حکم
بس دو منٹ۔۔۔۔۔۔ ایلاف ہڑبڑاتے بولی
تمہارے دو منٹ کتنے ہوتے ہیں۔۔۔۔مجھے معلوم ہے۔۔۔۔رعاد تھوڑا غصے سے بولا
اس بار سچ میں دو منٹ۔۔۔۔۔وہ جلدی سے بولی
ایک منٹ۔۔۔۔۔۔ اور کال بند۔۔۔۔
اللہ کی قسم۔۔۔۔اس آدمی کو گھڑی سے شادی کر لینی چاہیے تھی۔۔۔۔۔ ایلاف نے فون کو گھورتے غصے سے بولا
مہر ہنستے ہنستے دوہری ہو گئی۔
۔۔۔۔۔۔۔۔۔۔۔۔۔۔۔۔۔
بالآخر ایلاف نیچے پہنچی تو رعاد گاڑی کے ساتھ کھڑا تھا۔
یہ کپڑے پہن کر جانا ہے۔۔۔۔۔ رعاد اسے سر سے پاؤں تک دیکھتے سنجیدگی سے بولا
کیوں۔۔۔۔کیا کپڑے آپ کے ہیں۔۔۔۔۔ ایلاف نے اپنے لباس کو دیکھتے پوچھا
زبان سنبھال کر بات کرو۔۔۔۔۔ رعاد کی پیشانی پر بل پڑ گئے۔
ایلاف نے دل میں خود کو داد دی کہ آج پھر بچ گئی۔
گاڑی میں بیٹھتے ہی اس نے موسیقی چلانے کی کوشش کی۔
رعاد نے بند کر دی۔
اس نے دوبارہ چلائی۔
رعاد نے پھر بند کر دی۔
ایک بار اور کیا تو فون لے لوں گا۔۔۔۔۔ تیسری بار ایلاف نے ہاتھ بڑھایا تو رعاد نے اس کی طرف دیکھے بغیر دھمکی دی
ایلاف نے فوراً ہاتھ واپس کھینچ لیا۔
ظالم انسان۔۔۔۔۔۔ پھر کھڑکی سے باہر دیکھتے ہوئے بڑبڑائی
سن لیا۔۔۔۔۔وہ سامنے دیکھتے چباتے اسے پھر بتا گیا کہ اس کی ہربار کی طرح سن لیا
میں نے کہا۔۔۔۔آپ بہت عظیم انسان ہیں۔۔۔۔وہ پھر سے بات بدل منہ بسورتے بولی
خوشامد کی ضرورت نہیں۔۔۔۔رعاد ویسے سامنے دیکھتے بولا
ایلاف نے منہ پھلا لیا۔
اسے کیا معلوم تھا کہ یہی سفر، یہی چھوٹی چھوٹی نوک جھونک اور یہی شخص ایک دن اس کی زندگی کی سب سے بڑی کہانی بننے والا تھا۔
وہ شخص، جس سے وہ آج صرف چڑتی تھی۔
وہی ایک دن اس کے دل پر یوں چھائے گا کہ اسے خود اپنے دل سے ڈر لگنے لگے گا۔
اور رعاد شاہ؟
اسے ابھی خبر ہی نہیں تھی کہ اس کی زندگی میں آنے والا سب سے بڑا طوفان اس کی اپنی چھوٹی سی کزن ہے۔
۔۔۔۔۔۔۔۔۔۔۔۔۔۔۔۔۔
جاری ہے۔۔۔
مزید ناولز کے لئے نیچے جائیں ، یہاں مکمل اور قسط وار سبھی ناولز کے لنکس دئیے گئے ہیں۔
If you want to read More the Beautiful Complete novels, go to this link quickly, and enjoy the Novels ۔۔۔۔۔۔
If you want to read All Madiha Shah Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read Youtube & Web Speccial Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
If you want to read All Madiha Shah And Others Writers Continue Novels , go to this link quickly, and enjoy the All Writers Continue Novels ۔۔۔۔۔۔۔۔۔۔۔۔۔۔
If you want to read Famous Urdu Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔
This is Official Web by Madiha Shah Writes۔She started her writing journey in 2019. Madiha Shah is one of those few writers. who keep their readers bound with them, due to their unique writing ✍️ style. She started her writing journey in 2019. She has written many stories and choose a variety of topics to write about
Chaya Hai Jo Dil Pe Novel
Madiha Shah presents a new urdu social romantic novel Chaya Hai Jo Dil Pe written by Madiha Shah . Chaya Hai Jo Dil Pe by Madiha Shah is a special novel, many social evils have been represented in this novel. She has written many stories and choose a variety of topics to write about Hope you like this Story and to Know More about the story of the novel, you must read it.
Not only that, Madiha Shah, provides a platform for new writers to write online and showcase their writing skills and abilities. If you can all write, then send me any novel you have written. I have published it here on my web. If you like the story of this Urdu romantic novel, we are waiting for your kind reply
Thanks for your kind support...
Romantic Urdu Novels
Madiha Shah has written many novels, which her readers always liked. She tries to instill new and positive thoughts in young minds through her novels. She writes best.
Copyrlight Disclaimer:
This Madiha Shah Writes Official only share links to PDF Novels and do not host or upload any file to any server whatsoever including torrent files as we gather links from the internet searched through world’s famous search engines like Google, Bing etc. If any publisher or writer finds his / her Novels here should ask the uploader to remove the Novels consequently links here would automatically be deleted
No comments:
Post a Comment