Teri Deewani Hui Tera Qasoor Hai Novel By Zumer Ali Urdu Novel 3 to 4 Episode

Teri Deewani Hui Tera Qasoor Hai  Novel By Zumer Ali  Urdu Novel 3 to 4 Episode

Madiha  Shah Writes: Urdu Novel Stories

Novel Genre:  Cousin Based Enjoy Reading...

Teri Deewani Hui Tera Qasoor Hai By Zumer Ali Episode 3 to 4

Novel Name: Teri Deewani Hui Tera Qasoor Hai 

Writer Name: Zumer Ali 

Category: Complete Novel

مکمل ناول کے لیے نیچے جائیں اور ناول ڈوان لوڈ کرے ۔

زوھان کمرے میں داخل ہوا تو گھڑی 12:15 کا ہندسہ بجا رہی تھی۔۔۔اسے کافی کی شدید طلب ہورہی تھی۔۔۔موبائل آن کر کہ اسنے آل مائن (all mine) والی چیٹ کھول کہ میسج ٹائپ کیا تھا"ایک کپ کافی پلیز"۔۔۔۔ اب وہ بیڈ پہ لیٹا اسے منانے کا سوچ رہا تھا۔۔۔

"ایک منٹ میں کیوں اسے مناؤنگا"۔۔۔اس کی ضدی طبیعت نے اسے جگایا تھا۔۔

نہیں غلطی بھی تو میری ہے نہ۔۔۔مگر اسنے کال بھی تو کی تھی اسنے میرا انتظار کیا ہوگا۔۔۔مگر اسے بولنا چاہیے تھا۔۔۔میں شوہر ہوں اسکا ویسے تو بہت عقل والی بنتی ہے۔۔۔اب سمجھ نہیں آتا کہ میں کیا چاہتا ہوں۔۔۔وہ اپنی سوچوں میں مگن تھا جب انعم ہاتھ میں کافی تھامے دروازہ کھٹکھٹا کہ اندر داخل ہوئ تھی۔۔۔

تمہاری کافی۔۔۔۔کپ اسکی جانب بڑھایا

تھینک یو۔۔۔تم سوئ نہیں تھیں ابھی تک۔۔۔زوھان نے اٹھ کہ کپ تھامتے ہوۓ پوچھا

اسائنمنٹ بنارہی تھی۔۔۔انعم نے بتایا

اچھا ادھر بیٹھو۔۔۔اس کیلیۓ جگہ بنا کہ بولا

کیوں۔۔۔طالیہ سوگئ کیا۔۔۔۔انعم نے طنز کیا

ارے اس وقت اس کا کیا کام یہاں۔۔۔۔انعم کا ہاتھ پکڑ کہ اسے کھینچ کہ اپنے پاس بٹھایا۔۔۔وہ بروقت سنبھلی ورنہ اس کہ سینے سے ٹکرا جاتی۔۔

کیا بدتمیزی ہے۔۔۔۔انعم غصے سے بولی

میں نے کیا کیا۔۔۔وہ معصومیت سے بولا 

زوھان مجھے کام کمپلیٹ کرنا ہے ہاتھ چھوڑو۔۔۔۔انعم ہاتھ  چھڑانے کی کوشش کرتے ہوۓ بولی۔۔جبکہ زوھان مزے سے کافی پی رہا تھا۔۔۔

اچھا تم یہ بتاؤ روٹھی ہوئ محبوبہ کیوں بنی ہوئ ہو۔۔۔زوھان اسے تپانے کیلیۓ بولا اور حسب توقع وہ تپ گئ تھی۔۔۔

شاید آپ بھول گۓ ہیں کہ اپنی محبوبہ کو آپ اس کہ کمرے میں چھوڑ کہ آۓ ہیں۔۔۔۔انعم نے حد درجہ خود کو نارمل کرتے ہوۓ کہا۔۔

خدا کا خوف کرو لڑکی۔۔۔ویسے تم اس سے جیلس ہورہی ہو۔۔۔۔اس کا ہاتھ ابھی تک پکڑا ہوا تھا۔۔

میں کیوں اس سے جیلس ہونے لگی۔۔۔انعم نے کہا

ہاں بات تو صحیح ہے۔۔۔تمہیں اس سے جیلس ہونے کی کیا ضرورت۔۔۔زوھان اپنا ہاتھ اس کہ کندھے پہ رکھ کہ بولا۔۔

یہ تم روز بہ روز پھیلتے نہیں جارہے ہو۔۔۔۔

میں ایک دم فٹ ہوں اپنی آنکھیں چیک کرواؤ۔۔۔سمارٹ کو موٹا کہہ رہی ہو۔۔۔زوھان کافی پیتے ہوۓ شرارت سے بولا اور انعم نے اپنا سر پیٹ لیا۔۔۔۔

اچھا یہ بتاؤ اب تو ناراضگی ختم نہ۔۔۔۔زوھان نے پوچھا

میں تم سے کیسے ناراض ہوسکتی ہوں کیا اس چیز کا حق دیا ہے تم نے مجھے۔۔۔انعم سنجیدگی سے بولی

تو وہ بھی سنجیدہ ہوا۔۔"کیا مطلب"۔۔۔

مطلب تم خود ڈھونڈو زوھان ہمیشہ سے اپنے فیصلے مسلط کر کہ گۓ ہو تم اور کیا کیا ہے۔۔۔یہ نہیں کرنا وہ نہیں کرنا یہاں نہیں جانا اس سے نہیں ملنا۔۔۔تم نے کہا تمہیں نہیں پسند کہ میں اپنے کزنز سے ملوں۔۔۔میں ان سے دوبارہ نہیں ملی۔۔۔تم کیا کررہے ہو پورا پورا دن تم طالیہ کہ ساتھ ہوتے ہو۔۔۔ابھی تم نے وقت دیکھا ہے تم لوگ شام کہ نکلے ہوۓ بارہ بجے پہنچے ہو۔۔۔اور مجھے اندھیرا ہونے کہ بعد اپنے بھائ تک کہ ساتھ گھر سے نکلنے کی اجازت نہیں ہے۔۔۔تم نے کہا تھا آج ہم دونوں باہر جائینگے لیکن نہیں تم نے سارا دن اس کہ ساتھ گزار دیا۔۔۔ہم سےتو تم بات بھی ایسے کرتے ہو جیسے احسان کررہے ہو۔۔۔انعم نے اسے آئینہ دکھایا۔۔

کچھ زیادہ ہی بدگمان ہو تم اور اسکا علاج نہیں کوئ تم جاسکتی ہو اب۔۔۔زوھان کپ ٹرے میں رکھ کہ بالکنی کی طرف منہ کر کہ کھڑا ہوگیا۔۔

کیا ہوا سچ سنا نہیں جارہا اب۔۔۔۔انعم تلخی سے بول کہ کمرے سے نکلتی چلی گئ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ کمرے میں آئ تو اسکا موبائل بج رہا تھا۔۔۔اسنے کال ریسیو کی۔۔

کہاں ہو یار پانچ سو دفعہ فون کرچکی ہوں۔۔۔دوسری حرم کی آواز ابھری

مجھے پتا ہے تمہارا میتھس خراب ہے پانچ مرتبہ بولنا چاہ رہی ہو۔۔۔انعم ہنس کہ بولی۔۔

ہاہاہا ویری فنی۔۔۔حرم نے تپ کہ کہا

اچھا بھئ کیا ہوگیا۔۔۔انعم نے پوچھا

یار مما نے رشتہ پکا کردیا ہے پتہ نہیں کس الّو کے پٹھے سے۔۔۔حرم نے کہا 

اوۓے تمیز سے۔۔۔انعم کو کہاں برداشت تھا کوئ اس کہ بھائ کو کچھ بولے

تمہیں کیوں تکلیف ہورہی ہے۔۔۔کونسا تمہارے بھائ کو کہہ دیا ہے میں نے۔۔۔

تمہیں کب میرے بھائ سے محبت تھی اور آنٹی نے کچھ سوچ کہ ہی کیا ہوگا ماں ہیں وہ تمہاری اس لیۓ راضی ہوجاؤ۔۔۔اور کل مل کہ بات کرتے ہیں۔۔۔انعم نے کہہ کہ کھٹاک سے فون بند کردیا۔۔۔جبکہ حرم موبائل کو گھورتی رہ گئ۔۔۔"الّو کی نانی کل ملے پھر بتاتی ہوں"۔۔ حرم روہانسی ہو کہ بولی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک تو یہ ہفتے والے دن کالج جانا عذاب ہے اب یہ ناشتہ میں نہیں بنارہی اوپر سے عائشہ بھی نہیں جارہی ۔۔۔جیا آنکھیں ملتے ہوۓ بولی۔۔۔وہ بڑبڑاتے ہوۓ کچن سے نکلی تو فواد سے ٹکرا گئ۔۔۔

اففف اللہ آپ کیا صبح صبح جن کی طرح نازل ہوگۓ ہیں۔۔۔جیا اپنا سرپکڑ کہ بولی 

تم یہاں کیا کررہی ہو۔۔۔فواد پینٹ کی جیبوں میں ہاتھ ڈال کہ بولا 

بھنگڑا ڈال رہی ہوں۔۔۔جیا کہہ کہ سائیڈ سے جانے لگی جب فواد دوبارہ اس کہ سامنے آیا۔۔۔

عائشہ تو نہیں جارہی تم کیوں جارہی ہو۔۔۔اس نے پوچھا

وہ اپنی مرضی سے نہیں جارہی ہے۔۔۔آپ ابھی جاتے ہوۓ مجھے کالج چھوڑ دیں پلیز۔۔۔جیا نے کہا

اچھا چلو ناشتہ بناؤ اپنا بھی اور میرا بھی شاباش۔۔۔فواد نے کہا

اچھا ٹھیک۔۔کہہ کہ وہ جلدی سے کچن میں گھس گئ۔۔۔اور فواد مسکرادیا۔۔

زوھان بھائ نہیں جارہے۔۔۔ناشتہ کرتے ہوۓ جیا نے پوچھا

دیر سے آئیگا۔۔۔فواد نے بتایا

ہاں کل کا سارا دن ایڈوینچرز میں گزرا ہے نہ اسلیۓ اب آرام کررہے ہونگے۔۔۔جیا نے سر جھٹک کہ کہا جسے پیچھے سے آتے زوھان نے بخوبی سنا تھا۔۔۔

کونسے ایڈونچرز کی بات کررہی ہو۔۔۔زوھان اس کہ سامنے آ کہ بولا

جیا ایک پل کو رکی مگر پھر نظرانداز کر کہ دوبارہ ناشتہ کرنے لگی۔۔۔

مجھے نہیں پسند کوئ میرے اصولوں کہ خلاف بات کرے۔۔۔زوھان نے پتا نہیں اسے کیا سمجھانے کی کوشش کی جیا سمجھ نہیں سکی

آپ کہ اصول آپ کیلیۓ ہیں ہم آپ کہ اصولوں کہ پابند نہیں ہیں زوھان بھائ۔۔۔اپنے اصولوں کی ہار بہت بری ہوتی ہے۔۔۔۔جیا نے اسے جواب دیا اور اٹھ گئ۔۔۔

میرا ناشتہ۔۔۔زوھان نے بات بدلی

مجھے دیر ہورہی ہے طالیہ باجی سے کہہ دیں وہ بنادینگی اوہ ہاں انکو کہاں کچھ کرنا آتا ہوگا ۔۔۔جیا نے مسکرا کہ کہا اور آخر میں اپنی بات پہ خود ہی ہنس دی۔۔۔

جبکہ زوھان نےکچھ سخت کہنے سے خود کو بعض رکھا وہ دونوں بہنیں اسکا بہت صبر آزماتی تھیں۔۔۔کم از کم وہ خود یہی سمجھتا تھا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مجھے دیر ہورہی ہے طالیہ باجی سے کہہ دیں وہ بنادینگی اوہ ہاں انکو کہاں کچھ کرنا آتا ہوگا ۔۔۔جیا نے مسکرا کہ کہا اور آخر میں اپنی بات پہ خود ہی ہنس دی۔۔۔

جبکہ زوھان نےکچھ سخت کہنے سے خود کو بعض رکھا وہ دونوں بہنیں اسکا بہت صبر آزماتی تھیں۔۔۔کم از کم وہ خود یہی سمجھتا تھا۔۔۔

میں بس بیگ لے کہ آئ۔۔۔۔جیا نے فواد کو کہا اور ایک نظر زوھان کو دیکھ کہ سیڑھیوں کی جانب بڑھ گئ۔۔۔۔

ارے تم کیوں اٹھ گئ۔۔۔جیا نے کمرے سے باہر آتی انعم کو دیکھ کہ کہا

بیٹا یونی تمہارے دادا جی جائینگے۔۔۔انعم بالوں کو جوڑے کی شکل دیتے ہوۓ بولی

خدا کا خوف کرو دادا جی اب قبر میں سے آئینگے کیا تمہاری یونی جانے۔۔۔۔جیا نے ہنس کہ کہا تو انعم نے اسے آنکھیں دکھائیں  "شرم کرو"۔۔ناشتہ کرلیا تم نے۔۔۔۔

ہاں میں نے تو کرلیا تمہارے شوہر کو نہیں کروایا بس۔۔۔جیا نے بتایا

اچھا۔۔۔انعم کہہ کہ سیڑھیاں اترنے لگی۔۔۔

اور جیا کمرے کی جانب چل دی۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ کیوں اٹھ گئیں۔۔۔۔فواد نے انعم کو دیکھ کہ پوچھا

اللہ اللہ کیا ہوگیا یونی جانا ہے بھئ۔۔۔انعم نے کہا

تو دس منٹ پہلے اٹھ جاتیں جیا ناشتہ بنارہی تھی۔۔۔فواد نے بتایا

جبکہ ان دونوں سے  خود کو بے نیاز ظاہر کرتا موبائل میں مصروف تھا۔۔۔اسی اثنا میں طالیہ بھی وہیں آگئ

گڈمارننگ ایوری ون۔۔۔۔اور زوھان کہ برابر والی کرسی سنبھالی

انعم نے ایک نظر اسے دیکھا پھر کچن میں چلی گئ

چلیں۔۔۔جیا بیگ سنبھالتی ہوئ آئ تواسکی نظر طالیہ پہ پڑی ٹی شرٹ اور ٹراؤزر میں وہ دوپٹے سے بےنیاز بیٹھی اپنے بال انگلیوں پہ لپیٹتی زوھان کو دیکھنے میں مصروف تھی۔۔۔جیا کہ چہرے پہ ناگواری ابھری 

ارے طالیہ باجی آپ اتنی جلدی جاگ گئیں آج پھر کہیں جانا ہے۔۔۔جیا نے سادہ سے لہجے میں پوچھا اور اس کی بات سن کہ زوھان نے آنکھوں میں سختی لیۓ اسے دیکھا

نہیں بس نیند نہیں آئ۔۔۔طالیہ نے کہا

حالانکہ اتنے مزے کہ بعد میں تو لمبی تان کہ سوتی ہوں۔۔۔۔جیا نے ہنس کہ کہا

تمہیں دیر نہیں ہورہی۔۔۔انعم ناشتہ ٹیبل پہ رکھتے ہوۓ بولی

ہاں جارہی ہوں۔۔۔چلیں۔۔۔جیا نے انعم کو جواب دے کہ فواد سے کہا

ارے ہاں مجھے بھی لے کہ جانا بھول مت جانا۔۔۔جیا جاتے جاتے پلٹی

اب جاؤ تو۔۔۔تم لوگ شروع کرو میں آرہی ہوں۔۔۔۔

انعم نے تنگ آ کہ کہا 

اور اوپر کی طرف بڑھ گئ۔۔

تھوڑی دیر بعد واپس آئ تو سب جوں کا توں پڑا ہوا تھا

کیا ہوا شروع نہیں کیا۔۔۔ان دونوں کو دیکھ کہ کہا

تم نے نہیں کرنا۔۔۔زوھان موبائل سے نظر اٹھاۓ بغیر بولا

بس کررہی ہوں معیز بھائ آبھی جائیں۔۔۔زوھان کو جواب دے کہ معیز کو آواز دی۔۔۔

آگیا آگیا۔۔۔معیز بیٹھتے ہوۓ بولا تو انعم بھی اس کہ ساتھ ہی بیٹھی

یار میں یہ والا آملیٹ نہیں کھاتی۔۔۔طالیہ نے پلیٹ کھسکائ

اوہ مجھے پتا نہیں تھا۔۔۔تم جیسا کھاتی ہو بنالو جا کہ۔۔۔۔انعم جواب دے کہ معیز کی طرف متوجہ ہوئ۔۔۔اور طالیہ نے منہ بنا کہ ایک نظر زوھان کو دیکھا۔۔پھر چاۓ کا کپ اٹھا لیا۔۔۔ 

یاد سے آجانا لینے پھر جیا کو لے کہ چلیں گے۔۔۔

یار پھر کسی اور دن چلتے ہیں نہ تم دونوں اتنی دیر لگاتی ہو۔۔۔معیز نے کہا

سوچ لیں آپ کی محبت کا آخری سہارا ہوں۔۔۔انعم نے سرگوشی کی تو وہ ہنس دیا۔۔

اچھا چلیں گے۔۔۔جاؤ تیار ہوجاؤ تمہیں یونی ڈراپ کردونگا۔۔۔معیز چاۓ پیتے ہوۓ بولا۔۔

ہاں ٹھیک ہے حرم کو بھی لینا ہے۔۔۔انعم جلدی جلدی اٹھتے ہوۓ بولی۔۔معیز نے اثبات میں سرہلایا

ارے ہاں دیدار یار بھی تو کرنا ہے نہ۔۔۔انعم نے جاتے جاتے پلٹ کہ کہا

اور معیز نے مسکراہٹ روکتے ہوۓ ٹیبل پہ پڑا سیب اٹھا کہ اسے دے مارا۔۔۔اور انعم بروقت سائیڈ میں ہوئ

ارے ارے اتنا ظلم۔۔۔مگر سن کہ اچھا لگا نہ۔۔۔وہ ہاتھ اٹھا کہ بولی پھر معیز کو اٹھتا دیکھ کہ دوڑ لگادی

پاگل۔۔۔معیز ہنسا

کیا ہورہا ہے برو۔۔۔زوھان نے پوچھا

نہیں کچھ نہیں یار۔۔۔معیز نے بتایا تو اسنے سر ہلادیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمہیں بھائ کو اتنی نہیں سنانی چاہیے تھی۔۔۔فواد نے ڈرائیو کرتے ہوۓ کہا 

میں نے ان کہ اصولوں کا جواب دیا تھا۔۔ان کہ اصول ان کیلیۓ ہیں ہم پہ مسلط نہ کریں۔۔۔اور اگر ہیں تو وہ اصول ان پہ اور طالیہ آپی پہ بھی لاگو ہوتے ہیں۔۔۔جیا نے باہر دیکھتے ہوۓ کہا

تمہیں طالیہ سے کیا مسئلہ ہے۔۔۔۔فواد نے پوچھا

غلط غلط ان سے نہیں وہ خود ایک اتنا بڑا مسئلہ ہیں۔۔۔۔جیا سر نہ میں ہلا کہ ہاتھ اٹھا کہ بولی۔۔۔تو فواد اس کہ انداز پہ ہنس دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہاں ہم تمہارے گھر کہ باہر کھڑے ہیں جلدی آجاؤ۔۔۔۔انعم نے حرم کو کال کی

ہاں آرہی ہوں۔۔۔حرم نے جواب دیا 

آرہی ہے بیچاری اتنی بجھی بجھی ہوئ ہے۔۔۔انعم شرارت سے بولی۔۔۔

تمہاری بدولت ہے یہ سب۔۔۔معیز نے کہا

خیر ہے اس کہ بعد کی خوشی دیکھنے لائق ہوگی۔۔۔آگئ وہ۔۔۔ انعم نے حرم کو آتے دیکھ کہ کہا۔۔۔

اسلام وعلیکم۔۔!حرم نے گاڑی میں بیٹھتے ہوۓ سلام کیا

وعلیکم-سلام کیا حال ہے۔۔۔انعم پرجوش سی بولی  

ٹھیک۔۔۔حرم نے کہہ کہ ایک نظر معیز پہ ڈالی اسی وقت معیز نے بھی بیک ویو مرر سے اسے دیکھا دونوں کی نظریں ملیں تو معیز نے اسے اسمائل پاس کی تو وہ نظر پھیر گئ اور معیز کی مسکراہٹ اور گہری ہوگئ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شام میں وہ سب کھانے کہ بعد بیٹھے معیز کی منگنی کو ڈسکس کررہے تھے۔۔۔

ہم دونوں ایک جیسے سوٹ بنائیں گے۔۔۔جیا نے انعم کو کہا تو اسنے سر ہلادیا

اتنا عجیب لگتا ہے ایسا لگتا ہے ایک ہی تھان سے کپڑے بنواۓ ہیں۔۔۔طالیہ نے کہا 

یہ ٹرینڈ ہے۔۔۔اور سیم کلر نہیں ہوگا ہمارے کلرز الگ ہوتے ہیں۔۔۔جیا نے کہا

کیا ہورہا ہے۔۔۔عائشہ بھی وہیں آگئ

اوہوو آج تو عید کا چاند نظر آیا ہے۔۔۔جیا نے ہنس کہ کہا

ہاں بھئ کہاں مصروف ہو تم آجکل۔۔۔فواد نے کہا

اور آج کالج بھی نہیں گئ تم۔۔۔زوھان نے بھی کہا

ایسی میرا دل نہیں چاہ رہا تھا۔۔۔بھائ چلیں کہیں باہر چلتے ہیں۔۔۔عائشہ نے کہا

فواد کہ ساتھ چلی جاؤ۔۔۔مجھے کام ہے۔۔۔زوھان نے کہا

ہاں دو تین دن تو طالیہ باجی کہ ساتھ تھے کام پینڈنگ پہ ہوگا نہ آپکا۔۔۔عائشہ تڑخ کہ بولی

عائشہ۔۔۔زوھان نے پکارا

میں نے کچھ غلط نہیں کہا۔۔۔عائشہ نے منہ بنایا

ارے چھوڑو ہم چلتے ہیں نہ۔۔۔فواد نے کہا

ہاں اور میں بھی تو چل رہا ہوں نہ۔۔۔معیز نے اس کہ بال بگاڑ کہ کہا

میں نہیں جارہی تم لوگ جاؤ۔۔۔طالیہ نے منع کیا

ہاں اب کیوں جائینگی یہ۔۔۔جیا بڑبڑائ اور فواد نے اسے کہنی مار کہ چپ کروایا

چلو اٹھو پھر۔۔۔معیز نے کہا تو سب اٹھ گۓ

تم بیٹھ جاؤ یہ کہیں نہیں جارہی۔۔۔زوھان نے انعم کو مخاطب کیا

میں کیوں نہیں جاؤنگی۔۔۔انعم نے تپ کہ پوچھا

کیونکہ میں نے منع کردیا ہے۔۔۔یہ نہیں جاۓ گی۔۔۔وہ سب کو بول کہ اٹھ گیا۔۔

جبکہ انعم پیر پٹخ کہ عشرت بیگم کہ کمرے میں گئ۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا ہوا میری بیٹی کو۔۔۔عشرت بیگم نے کہا

اور انعم نے ڈبڈبائ آنکھوں سے سب بتایا۔۔

تو بیٹا جب اسنے منع کردیا ہے تو نہیں جاؤ۔۔شوہر ہے وہ تمہارا ۔۔۔عشرت بیگم نے کہا

شوہر نہیں جان کا عذاب ہے وہ میرا۔۔۔انعم نے غصے سے کہا

بری بات ایسے نہیں کہتے۔۔۔انہوں نے انعم کو ٹوکا

جب میں نہیں ہونگی نہ تب آپ لوگوں کو میری قدر آۓ گی۔۔۔وہ کہہ کہ غصے سےکمرے سے نکلتی چلی گئ

تم لوگ جاؤ۔۔۔وہ سب لاؤنج میں اسکا انتظار کررہے تھے جب انعم نے آ کہ کہا اور اپنے کمرے کی طرف چلی گئ

اور جیا کا  منہ بن گیا۔۔۔۔

چلو اٹس اوکے۔۔۔معیز نے جیا کہ کندھے پہ ہاتھ رکھ کہ کہا اور وہ لوگ چلے گۓ۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمہیں پھول بہت پسند ہیں نہ۔۔۔۔  

انعم لان میں کھڑی غصے سے منہ پھلاۓ پودوں کو پانی دے رہی تھی۔۔

جب زوھان اس کہ برابر میں آ کھڑا ہوا۔۔۔

وہ خاموش رہی۔۔

میں کسی دن تمہیں پھول ماروں گا مگر گملے کہ ساتھ تا کہ بچپن میں گرنے سے جو تمہارا دماغ الٹ گیا ہوا ہو وہ ٹھیک ہوجاۓ۔۔۔۔وہ ہونٹوں پہ مسکراہٹ لیۓ بولا۔۔۔جانتا جو تھا اس وقت اس کی مسکراہٹ جلتی پہ تیل کا کام کررہی ہوگی۔۔۔

کیوں میں نے کونسی تمہاری باجی چھیڑ دی ہے ۔۔۔۔

انعم نے تنک کہ جواب دیا۔۔۔

جب تمہیں پتا ہے کہ میں نے نہیں جانے دینا تھا پھر اس غصے کی وجہ۔۔۔زوھان اسکی ناک دبا کہ بولا

زوھان جاؤ یہاں سے۔۔۔وہ غصہ ضبط کر کہ بولی۔۔

میں تو نہیں جارہا ۔۔وہ کندھے اچکا کہ بولا۔۔۔

تھا تو وہ بھی ڈھیٹوں کا سردار۔۔۔

بھاڑ میں جاؤ۔۔۔

انعم نے غصے میں گملے پہ پاؤں دے مارا جو گر کہ ٹکڑے ہوگیا۔۔۔

اور وہاں سے چلی گئ

زوھان دوقدم پیچھے ہوا۔۔۔

کیا بھروسہ تھا کہ وہ گملا اسی کو دے مارتی۔۔

اچھا نہ بات تو سنو۔۔۔وہ فورا اس کی جانب لپکا

زوھان جاؤ یہاں سے۔۔۔انعم نے پلٹے بغیر کہا

تمہیں کیوں جانا تھا جب میں ہی نہیں جارہا تھا یہ تمہیں خود سمجھنا چاہیے کہ میں نہیں جارہا تو تم بھی نہیں جاؤ۔۔۔زوھان نے سنجیدگی سے کہا

اوہووووو تم جتنے دن طالیہ کہ ساتھ سیر سپاٹے کررہے تھے تب تو میرا خیال نہیں آیا۔۔۔جو چیز مجھ پہ فرض کررہے ہو وہ خود پہ بھی فرض کرو۔۔۔اس کو نکاح ہی رہنے دو میرے گلے کا پھندا مت بناؤ۔۔۔اور ہاں میں صرف کسی کزن کہ ساتھ منہ اٹھا کہ نہیں جارہی تھی۔۔۔میرا بھائ اور بہن ساتھ میں تھے۔۔۔کہہ کہ انعم اس کہ جواب کا انتظار کیۓ بغیر وہاں سے چلی گئ۔۔۔  

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چلو ہم کہیں چلتے ہیں۔۔۔انعم موبائل پہ گیم کھیلنے  میں مصروف تھی تھی جب زوھان اور طالیہ اس کہ کمرے میں داخل ہوۓ۔۔

اسنے ایک نظر اٹھا کہ دیکھا پھر گیم کھیلنے لگی۔۔

میں تم سے کہہ رہا ہوں۔۔۔زوھان نے کہا

مجھے نہیں جانا تم جاؤ۔۔۔انعم نے جواب دیا

اوووہ کم آن اتنا نخرا مت کرو اپنے شوہر کی کچھ قدر کرلو۔۔۔طالیہ نے کہا

تو انعم ہنس کہ بولی

وہ مجھے اپنا کم تمہارا شوہر زیادہ لگتا ہے۔۔۔اور تمہیں تو کام تھا نہ زوھان شاید اسی وجہ سے تم نے جانے سے انکار کیا تھا یا  پہلے سے ہی کوئ اور پلان تھا۔۔۔انعم نے ایک نظر طالیہ کو دیکھ کہ زوھان سے کہا۔۔

اور ویسے طالیہ برا مت ماننا لیکن کبھی ہمیں اکیلا بھی چھوڑ دیا کرو۔۔۔انعم نے مسکرا کہ کہا اور طالیہ کو گویا آگ لگ گئ۔۔۔وہ غصے میں وہاں سے نکل گئ۔۔۔

جاؤ جا کہ اس کہ آنسو پونچھو رو نہ رہی ہو۔۔۔۔انعم نے زوھان کو کہا

تمہارا کچھ نہیں ہوسکتا۔۔۔۔زوھان افسوس سے سرہلا کہ بولا

بہت شکریہ۔۔۔انعم نے سر کو خم کیا 

مجھے ضد دلانے والے تم خود ہو زوھان۔۔۔انعم نے اسے جاتے دیکھ کہ سوچا پھر سرجھٹک کہ دوبارہ گیم کھیلنے لگی۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہاۓ۔۔۔حسنین نے کہا

اوہ ہاۓ بیٹھو۔۔۔انعم نے چونک کہ کہا 

کیسی ہو۔۔۔حسنین نے بیٹھتے ہوۓ پوچھا

ٹھیک ہوں اور تم کیسے ہو۔۔۔انعم نے کہا

لگ تو نہیں رہی ٹھیک۔۔۔وہ اس کو غور سے دیکھتے ہوۓ بولا

نہیں نہیں۔۔۔انعم نے آس پاس نظر گھماتے ہوۓ کہا

پھر آنکھیں کیوں اتنی اداس ہیں۔۔۔۔حسنین نے کہا 

نیند پوری نہیں ہوئ بس اسی لیۓ اور کچھ نہیں۔۔۔انعم نے ہنس کہ کہا وہ وہاں سے اٹھنے کی کرنے لگی۔۔۔

حسنین کی آنکھوں کا انعم کو دیکھ کہ چمک جانا وہ دوستی سے زیادہ بیان ہوتا تھا۔۔۔انعم اسی لیۓ اسے زیادہ تر نظرانداز کرتی تھی۔۔۔

اچھا چلو مان لیتا ہوں۔۔۔حسنین نے بھی ہنس کہ کہا

نہ بھی مانو تو کوئ مسئلہ نہیں۔۔۔انعم نے اٹھتے ہوۓ کہا

بیٹھ جاؤ کچھ بات کرنی ہے۔۔۔حسنین نے اسکا بازو پکڑ کہ کہا اور انعم تو حیران رہ گئ اسکی جراءت پہ

یہ کیا حرکت ہے۔۔۔انعم بازو جھٹک کہ بولی

اچھااا اوکے سوری بیٹھو۔۔۔۔حسنین نے دونوں ہاتھ اٹھا کہ کہا

بولو۔۔۔۔انعم نے بیٹھ کہ کہا

دیکھو پلیز پینک مت ہونا انعم میں نہیں جانتا کب کیسے ہوگیا،میں نے خود کو بہت سمجھایا مگر نہیں کرسکا۔۔۔میں تم سے پیار کرتا ہوں میں نہیں رہ سکتا تمہارے بغیر۔۔۔۔وہ صاف لفظوں میں اپنی محبت کا اعتراف کرگیا انعم نے بےیقینی سے اسے دیکھا

تمہارا دماغ تو ٹھیک ہے حسنین میرا نکاح ہوچکا ہے تم ایسا سوچ بھی کیسے سکتے ہو۔۔۔۔انعم جھٹ سے کھڑی ہوئ 

محبت پہ کسی کا اختیار نہیں ہوتا۔۔۔حسنین بھی اس کہ مقابل کھڑا ہوا

یہ کیا کیسے کرلیا تم نے۔۔۔انعم ایک ھاتھ ماتھے پہ رکھ کہ بولی

ٹھیک ہے مجھے تم سے کچھ نہیں چاہیے بس جیسی ہو ویسی رہنا میرے ساتھ کیونکہ جس گھڑی تم سے بات ہوتی ہے،وہی گھڑی میری کائنات ہوتی ہے۔۔۔۔کہہ کہ وہ رکا نہیں تھا۔۔۔

اور انعم وہیں اپنا سر پکڑ کہ بیٹھ گئ۔۔۔ 

"یہ عشق و محبت کی روایت بھی عجب ہے  

پایا نہیں جس کو اسے کھونا بھی نہیں ہے  

لپٹا ہے میرے دل سے کسی خواب کی صورت

وہ شخص کہ جس کو میرا ہونا بھی نہیں ہے"

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فواد بھائ۔۔۔۔جیا نے کمرے کہ دروازے پہ کھڑے ہو کہ اسے آواز دی۔۔۔

ہاں آجاؤ۔۔۔وہ بالکنی سے اندر آیا

وہ مجھے یہ کچھ سوال سمجھا دیں ٹیسٹ ہے میرا کل اور معیز بھائ بھی گھر پہ نہیں ہیں۔۔۔اسنے اندر آتے ہوۓ بتایا

ہاں اچھا دکھاؤ کیا پوچھنا ہے۔۔۔وہ صوفے پہ بیٹھتے ہوۓ بولا تو جیا بھی اس سے تھوڑے فاصلے پہ بیٹھی اسے بتانے لگی۔۔۔

اب اس کو خود کرو۔۔۔۔سمجھانے کہ بعد فواد نے نوٹ بک اسکی جانب بڑھائ۔۔۔جیا سوال حل کرنے میں مصروف تھی اور فواد اسکو تکنے میں محو تھا۔۔۔جیا کو مسلسل اسکی نظریں خود پہ محسوس ہورہی تھیں۔۔۔اس کی نظروں سے پزل ہوتی وہ بار بار بال کانوں کہ پیچھے کرتی سوال حل کرنے کی کوشش کررہی تھی۔۔

کیا مسئلہ ہے۔۔۔جیا نے سر اٹھا کہ دیکھا

کیا۔۔۔فواد نے کندھے اچکا کہ پوچھا

آپ مجھے ایسے کیوں دیکھ رہے ہیں۔۔۔۔جیا نے پوچھا

کیسے دیکھ رہا ہوں۔۔۔اسکے سوال سے محفوظ ہوتے فواد نے سوال کیا

گھور گھور کہ۔۔۔۔جیا نے ناک چڑھا کہ کہا

نہیں تو میں تمہیں گھور گھور کہ نہیں بلکہ پیار پیار سے دیکھ رہا ہوں۔۔۔فواد نے اسی کہ انداز میں ناک چڑھا کہ کہا۔۔۔ جبکہ جیا آنکھیں بڑی کر کہ اسے دیکھنے لگی

"جھانکیۓ مت جناب آنکھوں میں

ان میں خطرہ ہے ڈوب جانے کا۔۔"

فواد نے کہا تو جیا سٹپٹا کہ کھڑی ہوگئ

مم۔۔مجھے سمجھ آگیا میں کرلونگی۔۔۔وہ کتابیں سمیٹتی جلدی جلدی بولی۔۔۔فواد مسکراہٹ دباۓ اسے دیکھ رہا تھا اور پھر وہ کمرے سے نکل گئ۔۔۔تو فواد بے ساختہ ہنس دیا۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا ہوا ہے میرے بچے کو۔۔۔۔زوھان کافی دیر سے عشرت بیگم کی گود میں سر رکھے خاموشی سے لیٹا ہوا تھا تو عشرت بیگم اس کی بالوں پہ ہاتھ پھیرتے ہوئ بولیں۔۔۔

کچھ نہیں دادو۔۔۔۔زوھان نے انکا ہاتھ چوم کہ کہا  

مجھ سے جھوٹ بولوگے یہ بال ایسے ہی نہیں سفید ہوۓ چلو بتاؤ۔۔۔۔عشرت بیگم نے کہا تو زوھان بولا

دادو آپکی پوتی بہت بری ہے زرا نہیں اسکو میرا خیال۔۔۔وہ منہ بسور کہ سب بتانے لگا

ہہہممم تو میرے لال اس میں بھی تمہارع غلطی ہے وہ تمہاری منکوحہ ہے تم نے اس پہ طالیہ کو ترجیح دی ہے تو اس سے کیا امید کر رہے ہو کہ وہ تمہارے آگے بچھ جاۓ محبت کی ہے تو اسے نبھانا سیکھو۔۔۔

اس دن تم نے اسے سب کہ ساتھ جانے نہیں دیا۔۔اور خود تم طالیہ کہ ساتھ گھومتے پھرتے ہو۔۔۔دو لوگوں کہ درمیان کوئ تیسرا آجاۓ تو تباہی مقدر بنتی ہے اور تم خود طالیہ کو بیچ میں لارہے ہو۔۔۔تم چاہتے ہو کہ وہ تمہاری طرف بڑھے تو پہل تمہیں کرنی ہوگی تم اس کی عزت کرو محبت تو بہت بعد کا قصہ ہے میاں جب تم اسکی عزت نہیں کروگے تو کوئ اور اسکی عزت کیسے کریگا اور وہ تمہاری عزت کیسے کریگی۔۔۔

عورت کو محبت سے زیادہ عزت کی ضرورت ہوتی ہے کیونکہ محبت کا اظہار تو خاص مواقع پہ کیا جاتا ہے جبکہ عزت تو ہر وقت ملحوظ خاطر رکھی جاتی ہے۔۔۔محبت کہ بغیر عورت ادھوری ہوتی ہے اور عزت کہ بغیر غورت عورت نہیں رہتی۔۔۔۔میاں بیوی کا رشتہ عزت اور مان کا رشتہ ہوتا ہے اس میں اگر تم اسے جلانے کی کوشش کروگے تو خود بھی جل جاؤگے۔۔۔۔عشرت بیگم نے کہہ کہ اسکا سر تھپکا    

دادو آپکی چاۓ۔۔۔انعم چاۓ لے کہ کمرے میں داخل ہوئ 

ہاں یہاں رکھ دو کہیں جارہی ہو۔۔۔عشرت بیگم اس کی تیاری دیکھ کہ بولیں۔۔انکی بات سن کہ زوھان نے بھی آنکھیں کھولیں۔۔

جی معیز بھائ کہ ساتھ جارہی ہوں کام سے۔۔۔انعم نے زوھان کو دیکھے بغیر جواب دیا۔۔

اچھا خیر سے جاؤ۔۔۔انہوں نے کہا تو وہ جی کہہ کہ کمرے سے نکل گئ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمہارے سسرال سے کوئ آیا نہیں۔۔۔انعم نے چپس کھاتے ہوۓ پوچھا

امی بتارہی تھیں کہ صبح آۓ تھے۔۔۔۔حرم نے منہ بنا کہ بتایا

پاگل بس انجواۓ کرو منہ کیوں بنایا ہوا ہے بلکہ مجھے تو اتنی خوشی ہے۔۔۔۔۔انعم نے کہا اور حرم خاموش رہی

کیا تم کسی اور کو پسند کرتی ہو۔۔۔اس کی خاموشی دیکھ کہ انعم نے دوبارہ کہا

تم ایسا سوچ بھی کیسے سکتی ہو۔۔۔حرم غصے سے بولی

کیوں کسی کو پسند کرنے میں کیا برائ ہے۔۔ہاں ویسے مجھے لگتا تھا کہ تمہیں معیز بھائ پسند ہیں مگر تم نے اس بات کی بھی تردید کردی۔۔۔انعم نے افسوس سے سر ہلا کہ کہا اور سرجھکا گئ۔۔مبادا اس کی ہنسی پکڑی نہ جاۓ

افسوس کا کیا فائدہ اب امی میری ایک نہیں سن رہیں ۔۔۔۔حرم نے سوچا پھر جھٹک کہ بولی۔۔۔"تمہاری حسنین سے کیا بات ہوئ"۔۔۔

افف مت پوچھو میں تو اسکی ہمت پہ حیران ہوں۔۔۔۔انعم نے کہا

ہوا کیا ہے۔۔۔۔حرم نے دوبارہ پوچھا اور انعم اسے سب بتانے لگی

اوہ افسوس بیچارا۔۔۔حرم نے کہا

ارے کہاں کا بیچارا بندہ اتنی ہی شرم کرلے کہ میرا نکاح ہوچکا ہے۔۔۔۔انعم نے تپ کہ کہا

خیر تم منگنی پہ کیا پہن رہی ہو۔۔۔۔حرم نے پوچھا

ابھی سوچا نہیں ہے۔۔۔۔

تم صبح سے میرے پاس آجاؤگی بس میں نے بتادیا۔۔۔۔حرم نے فیصلہ سنایا۔۔۔

کوشش کرونگی۔۔۔۔چلو یار بھائ آگۓ ہیں میں چلتی ہوں۔۔۔۔انعم موبائل پہ معیز کا میسج دیکھ کہ اٹھتے ہوۓ بولی   ۔۔۔

اتنی جلدی آگۓ تمہارے بھائ۔۔ان کا کہیں دل نہیں لگتا۔۔۔حرم نے مسکرا کہ کہا

ان کا دل لگانے والی ڈھونڈ رہے ہیں۔۔۔۔انعم نے بھی مسکرا کہ کہا اور حرم کی مسکراہٹ سمٹی تھی جسے انعم نے بخوبی دیکھا

چلو اللہ حافظ۔۔۔۔اس سے مل کہ چلی گئ۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویسے بھائ کیا خیال ہے منگنی کی جگہ ڈائریکٹ نکاح نہ ہوجاۓ۔۔۔۔انعم نے پوچھا

منہ بند کرو منگنی ٹھیک ہے بس۔۔۔معیز ڈرائیونگ کرتے ہوۓ بولا

مجھے کیا میں تو آپکی بھلائ میں کہہ رہی تھی۔۔۔انعم کندھے اچکا کہ بولی

بہت شکریہ۔۔۔معیز نے سرہلا کہ کہا

ہاں تم بتاؤ زوھان کا کیا حال ہے۔۔۔۔معیز نے یاد آنے پہ پوچھا

اوووہ میرے اللہ آپکی آنکھیں خراب ہورہی ہیں آپ کو نہیں پتا کیا کہ کیسا ہے وہ۔۔۔۔انعم نے شرارت سے کہا تو معیز ہنسنے لگا "تم نہیں سدھرنے والی نہ"۔۔۔تو انعم بھی ہنس پڑی۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بہت غلط بات ہے یہ مجھ سے بات نہیں کریں۔۔۔جیا بول کہ منہ بنا کہ سائیڈ میں بیٹھ گئ۔۔

ارے تو تم پھر چلی جانا کیا ہوگیا۔۔۔سدرہ بیگم بولیں

ایسے کیسے ایک تو وہ دونوں خود ہی چلے گۓ آنے دو ان کو۔۔۔۔جیا منہ بنا کہ بیٹھی رہی

کیا ہوا چاچی۔۔۔۔زوھان اور فواد نیچے آۓ تو جیا منہ پھلاۓ بیٹھی تھی۔۔۔اور سدرہ بیگم اسے سمجھارہی تھیں تو فواد نے پوچھا۔۔۔

کچھ نہیں بیٹا اس کا تو دماغ خراب ہے۔۔۔سدرہ بیگم نے کہا

ہاں ہاں سارے مسئلے نہیں نہیں بلکہ میں ہی ایک مسئلہ ہوں۔۔۔جیا تپ کہ بولی۔۔

ہوا کیا ہے۔۔۔زوھان نے پوچھا تو سدرہ بیگم بتا کہ چلی گئیں

دیکھو تمہاری بہن مجھ سے بھی پوچھ کہ نہیں گئ آنے دو اسکی کلاس لینگے۔۔۔۔زوھان اس کہ برابر میں بیٹھتے ہوۓ بھلانے کو بولا

آپ اس سے پوچھ کہ جاتے ہیں طالیہ باجی کہ ساتھ جو وہ آپ سے پوچھ کہ جاۓ۔۔۔جیا وہاں سے اٹھ کہ بولی۔۔۔اسکی بات پہ فواد نے بمشکل اپنی ہنسی کا گلا گھونٹا اور زوھان حیرانی سے اسے دیکھنے لگا۔۔

واہ خود جب دونوں لڑتی ہو اسکا کیا۔۔۔۔زوھان بھی کھڑا ہو کہ بولا

وہ بات اور ہے میں جو مرضی بول لوں کوئ اور اسکو کچھ نہیں کہے گا۔۔۔جیا ناک چڑھا کہ بولی۔۔

لو وہ دونوں آگۓ۔۔۔فواد نے دونوں کو آتے دیکھ کہ کہا  

کیا ہوا۔۔۔۔معیز صوفے پہ بیٹھتے ہوۓ بولا

موسم بہت خراب ہے۔۔۔فواد جیا کی جانب اشارہ کر کہ بولا۔۔

کیوں کیا ہوا۔۔۔انعم نے پوچھا

آپ لوگ اکیلے چلے گۓ۔۔۔جیا منہ بسور کہ بولی

ارے میں حرم سے ملنے گئ تھی اور بھائ کو کچھ کام تھا۔۔۔شاپنگ پہ ہم کھانا کھا کہ چلیں گے۔۔۔انعم نے بتایا تو معیز نے بھی اسکی بات کی تائید کی۔۔

اچھا۔۔۔ جیا وہیں بیٹھ گئ

تمہاری کرائم پارٹنر کہاں ہے لڑائ ہوئ ہے کیا تم دونوں کی۔۔۔فواد نے عائشہ کہ بارے میں پوچھا

اس کو کوئ نیا پارٹنر مل گیا ہے۔۔۔جیا نے کہا تو انعم نے اسے گھورا۔۔۔جو کہ زوھان نے دیکھ لیا۔۔

کیا مطلب کون مل گیا۔۔۔فواد نے پوچھا

یہ آپ کو وہی بتاسکتی ہے کہ۔۔۔۔۔

جیا میرے ساتھ آؤ۔۔۔جیا ابھی بول ہی رہی تھی جب انعم نے اسکی بات کاٹی اور اسے وہاں سے لے گئ۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ والا ڈریس ہم حرم کیلیۓ لیلیتے ہیں کیا خیال ہے۔۔۔۔انعم نے ایک ڈریس معیز کہ سامنے کیا پستہ کلر کا جس پہ انتہائ نفیس کام ہوا تھا۔۔

ہاں یہ بہت اچھا ہے۔۔۔۔جیا نے تائید کی 

تو پھر لے لو۔۔۔معیز نے کہا

پھر انعم نے ایک رائل بلیو کلر کا ڈریس لیا اور ویسا ہی ڈریس پنک کلر کا جیا نے لیا

یار اتنے حسین ہیں یہ کپڑے انعم یار میری بھی منگنی کروادو بس۔۔۔۔جیا ڈریس دیکھ کہ شرارت سے بولی

تو وہ سب ہنس دیے۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ کی بیگم ناراض ہیں کیا---فواد اس کہ ساتھ چلتے ہوۓ پوچھنے لگا 

نہیں تو تمہیں ایسا کیوں لگا---زوھان نفی میں سر ہلا کہ بولا 

آپ لوگ بات نہیں کرتے اب--فواد نے کہا تو زوھان ہنس پڑا

ہم پہلے کب بات کرتے تھے---فواد کی جانب دیکھ کہ پوچھا

ویسے انعم ہے بہت اچھی ہے نہ---فواد نے بول کہ اسکی جانب دیکھا 

بہت خطرناک لڑکی ہے---زوھان نے کانوں کو ہاتھ لگاۓ اور فواد نے قہقہہ لگایا

اچھا مطلب آپکو ڈر لگتا ہے اس سے---فواد نے خود سے ہی  نتیجہ اخذ کیا---

کوئ نہیں--فضول کہ تکے نہیں لگاؤ---زوھان نے اس کے بازو پہ ایک دھپ رسید  کی ----

اچھی لگتی ہے نہ وہ آپکو---فواد شرارت سے بولا

میں نے ایسا کچھ نہیں کہا---زوھان پینٹ کی جیبوں ميں ہاتھ پھنسا کہ  بولا

پھر آپکو اس سے محبت ہے--فواد گھاس پہ بیٹھ کہ بولا

وہ دن گۓ کہ اب یہ حماقت کون کرتا ہے--- زوھان بھی اس کہ ساتھ ہی بیٹھا

اففف آپ سے بات کرنا ہی بےکار ہے---فواد نے منہ بنایا تو زوھان ہنس دیا---

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تم کیا سوچ رہی ہو۔۔۔۔انعم نے جیا سے پوچھا جو کافی دیر سے کسی سوچ میں گم تھی

اہاں۔۔۔نہیں کچھ نہیں بس ایسے ہی۔۔۔جیا چونکی

فواد بھائ کہ بارے میں سوچ رہی ہو نہ۔۔۔انعم شرارت سے بولی

ارے روز بہ روز ٹھرکی ہوتے جارہے ہیں۔۔۔جیا سر جھٹک کہ بولی تو انعم نے قہقہہ لگایا

کیا ٹھرک پن کیا ہے انہوں نے۔۔۔انعم نے سنجیدگی سے پوچھا

ایسا بھی تو ہوسکتا ہے کہ وہ تمہیں پسند کرنے لگے ہوں۔۔۔۔ جیا کہ سب بتانے پہ انعم بولی

پاگل ہو کیا میں کتنی چھوٹی ہوں ان سے۔۔۔۔جیا نے کہا تو انعم نے اس کی عقل پہ ماتم کیا۔۔۔

یہ سب چھوڑو یہ پانی بھر کہ لے کہ آؤ اس میں۔۔۔جیا نے خالی جگ اسے تھمایا۔۔

جارہی ہوں۔۔۔انعم منہ بسور کہ بولی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ جگ ہاتھ میں لیۓ سیڑھیوں کی طرف بڑھی جب زوھان اس کہ سامنے آیا وہ خاموشی سے دوسری طرف سے جانے لگی جب وہ پھر انعم کہ سامنے آیا

ہٹو یہاں سے۔۔۔۔

انعم سائیڈ پہ ہوتے ہوۓ بولی

ہاں تو تم جاؤ نہ۔۔۔۔

زوھان دوبارہ اس کہ سامنے آ کہ بولا

راستہ چھوڑو گے تم میرا۔۔۔۔

انعم پھر دوسری طرف ہوئ

ایسے کیسے تمہارے تو سارے رستے مجھ تک ہی آتے ہیں نہ۔۔۔۔

زوھان دوبارہ سامنے آیا

بہت ہی کوئ چیپ لائن ہے۔۔۔

ویسے تمہارا راستہ طالیہ کہ ساتھ ہے نہ۔۔

۔۔انعم چبا چبا کہ بولی۔۔

ہاۓ پوری بیوی لگ رہی ہو۔۔۔

اور کیا ہے نہ طالیہ صرف ٹیسٹ چینج کرنے کیلیۓ ہے۔۔۔

کیونکہ تم اکثر کڑوی ہوجاتی ہو نہ جیسے ابھی۔۔۔۔زوھان مسکراتے ہوۓ گویا ہوا۔۔۔۔

اور انعم نے جگ کا سارا پانی اس پہ انڈیل دیا۔۔۔

زوھان اس افتاد کیلیۓ تیار نہ تھا۔۔۔

حیرانی سے آنکھیں پھاڑے اسے دیکھنے لگا۔۔

ویسے اتنا گھٹیا ٹیسٹ ہے تمہارا۔۔اور یہ پانی سے آرام ملے گا تمہیں

اور مجھے اپنی شکل مت دکھانا تم۔۔۔

وہ غصے سے چیخ کہ بولی

اور خالی جگ اس کہ ہاتھ میں تھما کہ چلی گئ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا ہو رہا ہے۔۔۔۔فواد عائشہ کہ کمرے میں داخل ہوا عائشہ موبائل میں محو تھی اس کی آواز پہ ڈر کہ اچھلی

کیا بھائ کوئ تمیز ہوتی ہے۔۔۔ایسے ہی منہ اٹھا کہ کمرے میں آگۓ ہو۔۔۔۔عائشہ غصے سے بولی

میری مرضی میں جیسے بھی آؤں اور اسے رکھو ذرا یہ تم ہر وقت اس میں کیوں مصروف ہوتی ہو۔۔۔۔وہ موبائل کی جانب اشارہ کر کہ بولا

کیا کام ہے۔۔۔عائشہ گھبرا کہ بولی

یہ اب تمہارے ہاتھ میں نہ دیکھوں میں اٹھو ذرا اور باہر نکلو کمرے سے اب بےوجہ تمہارے ہاتھ میں موبائل دکھا تو لے لونگا اٹھو چلو۔۔۔۔فواد سخت لہجے میں گویا ہوا

اچھا بھئ۔۔۔وہ موبائل دراز میں رکھ کہ کمرے سے نکل گئ فواد کی جانچتی نظروں نے دور تک اسکا پیچھا کیا اس کہ نکلتے ہی فواد نے اسکا موبائل نکال کہ آن کیا تو اس پہ پاسورڈ لگا ہوا تھا۔۔۔کچھ سوچ کہ اسنے واپس رکھ دیا اور کمرے سے نکل گیا۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارے کہاں۔۔۔۔جیا لان میں جارہی تھی جب فواد ایک دم اسکے سامنے آیا 

کہیں نہیں۔۔۔۔جیا کترا کہ سائیڈ سے نکلنے لگی

ارے اچھا میری بات سنو۔۔۔ایک کام ہے۔۔۔۔فواد نے اسے روکا۔۔۔

جی بولیں۔۔۔۔

مجھے عائشہ کہ موبائل کا پاسورڈ چاہیے۔۔۔۔فواد نے ڈائریکٹ بات کی

کیوں۔۔۔۔عائشہ نے پوچھا

بس چاہیے اور تم مجھے لا کہ دوگی مگر یہ بات صرف ہم دونوں میں رہے گی۔۔۔۔فواد نے انگلی اٹھا کہ اسے وارن کیا

تو اسنے سر ہلا دیا۔۔

کیا تم کچھ جانتی ہو۔۔۔وہ جاتے جاتے پلٹا

کک۔۔کیا مطلب۔۔۔۔جیا نے گڑبڑا کہ پوچھا

تم جانتی ہو کس بارے میں بات کررہا ہوں میں۔۔۔۔فواد نے کہا

نن۔۔نہیں میں کچھ نہیں جانتی۔۔۔۔جیا نے سرنفی میں ہلا کہ کہا

ہمم۔۔۔وہ اسے دیکھتا رہا پھر چلا گیا۔۔۔

جاری ہے

If you want to read More the  Beautiful Complete  novels, go to this link quickly, and enjoy the Novels ۔۔۔۔۔۔۔۔۔۔۔۔۔۔

 

Complete Novel

 

If you want to read All Madiha Shah Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔

Madiha Shah Novels

 

If you want to read  Youtube & Web Speccial Novels  , go to this link quickly, and enjoy the Novels ۔۔۔۔۔۔۔۔۔۔۔۔۔۔

 

Web & Youtube Special Novels

 

If you want to read All Madiha Shah And Others Writers Continue Novels , go to this link quickly, and enjoy the All Writers Continue  Novels ۔۔۔۔۔۔۔۔۔۔۔۔۔۔

 

Continue Urdu Novels Link

 

If you want to read Famous Urdu  Beautiful Complete Novels , go to this link quickly, and enjoy the Novels ۔۔۔۔۔۔۔۔۔۔۔۔۔۔

 

Famous Urdu Novels

 

This is Official Webby Madiha Shah Writes۔She started her writing journey in 2019. Madiha Shah is one of those few writers. who keep their readers bound with them, due to their unique writing ✍️ style. She started her writing journey in 2019. She has written many stories and choose a variety of topics to write about

Wahshat E Ishq  Novel

 

Madiha Shah presents a new urdu social romantic novel Wahshat E Ishq written by Rimsha Mehnaz .Wahshat E Ishq by Rimsha Mehnaz is a special novel, many social evils have been represented in this novel. She has written many stories and choose a variety of topics to write about Hope you like this Story and to Know More about the story of the novel, you must read it.

 

Not only that, Madiha Shah, provides a platform for new writers to write online and showcase their writing skills and abilities. If you can all write, then send me any novel you have written. I have published it here on my web. If you like the story of this Urdu romantic novel, we are waiting for your kind reply

Thanks for your kind support...

 

 Cousin Based Novel | Romantic Urdu Novels

 

Madiha Shah has written many novels, which her readers always liked. She tries to instill new and positive thoughts in young minds through her novels. She writes best.

۔۔۔۔۔۔۔۔

Mera Jo Sanam Hai Zara Bayreham Hai Complete Novel Link

If you all like novels posted on this web, please follow my web and if you like the episode of the novel, please leave a nice comment in the comment box.

Thanks............

  

Copyright Disclaimer:

This Madiha Shah Writes Official only shares links to PDF Novels and does not host or upload any file to any server whatsoever including torrent files as we gather links from the internet searched through the world’s famous search engines like Google, Bing, etc. If any publisher or writer finds his / her Novels here should ask the uploader to remove the Novels consequently links here would automatically be deleted